काठमाडौं । साना राजनीतिक दलले सरकारविरुद्ध आन्दोलनको घोषणा गरेका छन् ।
धर्म र संस्कृतिको संरक्षणमा सरकारलाई दवाव दिने उद्देश्यले भन्दै विभिन्न साना राजनीतिक दलले संयुक्त आन्दोलनको घोषणा गरेका हुन् ।
मुलुकको धर्म र संस्कृतिमाथि बाह्य दवाव बढेको भन्दै सरकारलाई खबरदारी गर्नु परेको उनीहरुको भनाई छ ।
नेपालीको पहिचान मेटाउन नदिन सरकारलाई दवाव दिन आन्दोलनमा जानु परेके नेकपा (माले)का महासचिव सिपी मैनालीले बताए ।
साना दलले शनिबार राजधानीमा पत्रकार सम्मेलन गर्दै आन्दोलनको घोषणा गरेका हुने । ‘संयुक्त राष्ट्रिय आन्दोलन’ भन्दै साना दलले आन्दोलनमा जाने घोषणा गरेका हुन् ।
नेकपा माले, हरिबोल भट्टराई नेतृत्वको नेपाली कांग्रेस (विपी), राष्ट्रिय लोकतान्त्रिक मंचलगायत ९ घटकले आन्दोलनको घोषणा गरेका हुन् । यद्दपी यी दलको अस्तित्व अहिले संसदमा छैन ।
