कोस्टारिकामा विषाक्त रक्सी सेवन गर्दा १९ जनाको मृत्‍यु भएको छ भने निक्कैको संख्यामा मानिसहरु बिरामी भएका छन् । कोस्टारिकास्थित स्वास्थ्य मन्त्रालयका अनुसार मृत्यू हुनेमा ३२ देखि ७२ वर्षसम्म उमेर समुहका १४ जना पुरुष र ५ जना महिला छन् । मन्त्रालयका अनुसार ती मानिसहरुले सेवन गरेको रक्सीमा मिथानोलको मात्रा अत्याधिक धेरै हालिएको थियो । कोस्टारिकामा बिक्री गरिदै आएको गुआरो मोन्टानो, गुआरो ग्रान अपाची, अगार्ड्डिन्टे ईस्ट्रेला, अगार्ड्डिन्टे, बरोन रोजो अगार्ड्डिन्टे, टिम्बुका, मोलोटोब, अगार्ड्डिन्टे नामका रक्सीहरु विषालु भेटिएको पनि मन्त्रालयले जनाएको छ । कोस्टारिकन सरकारले अहिले ३० हजार बोतल विषाक्त रक्सी जफत गरेर अनुसन्धान गरिरहेको छ ।

विश्व स्वास्थ्य संगठनले कोस्टारिकामा बिषादियुक्त रक्सीका कारण मानिसहरुको मृत्‍यु भएको प्रसंगमा भनेको छ “रक्सीमा मिथानोलको प्रयोग ज्यादा हुँदा मानिसको मृत्‍युको साथै कोमामा जाने र अन्धो पनि हुने गर्दछ ।कहिले काँही बिषाक्त रक्सीको असर तुरुन्त नदेखिन पनि सक्दछ तर यसले लामो समयसम्म टाउको र पेट दुख्ने पनि हुन सक्दछ।

सो सम्वन्धमा राष्ट्रपति कार्लोस् अल्भाराडोले बिज्ञप्ती प्रकाशित गरी घटनाको कारण अफसोच लागेको र सरकारले तथ्यांक संकलन गरेर कारबाही प्रकृया अगाडि बढाएको बताएका छन् ।

श्रोत : द टिको टाईम्स