14-Dec-2019 | २८ मंसिर २०७६, शनिबार

विश्वकप खेल्ने नेपालको सम्भावना जिवितै

८ श्रावण २०७६, बुधबार ०   बिचार / प्रतिक्रिया


काठमाडौं । सन् २०२० मा आयोजना हुने आइसीसी टी २० विश्वकपका लागि छनोट प्रतियोगिताको एसिया फाइनलमा नेपालले मलेसियालाई पराजित गरेको छ ।

प्रतियोगिताको पहिलो खेल कतारसँग हारेको नेपालले दोस्रो खेलमा मलेसियालाई हराएको हो ।

बुधबार सिंगापुरमा सम्पन्न खेल पानीले प्रभावित भएको थियो । २० ओभरको खेललाई ९ ओभरमा झारेर खेलाइएको थियो ।

कप्तान ज्ञानेन्द्र मल्ल चम्किएपछि नेपालले आइसीसी टी २० विश्वकप क्वालिफायर एसिया फाइनलमा मलेसियालाई ७ विकेटले पराजित गरेको हो ।

ज्ञानेन्द्रको २० बलमै अर्धशतक बनाउँदै विश्वकपको सम्भावना जिवित नै राखेका हुन् ।

नियमित कप्तान पारस खड्का घाइते भएपछि उनलाई टोलीको जिम्मेवारी दिइएको हो । टस जितेर पहिले फिल्डिङ रोजेको नेपालले मलेसियालाई ९ ओभरमा ८३ रन बनाउँदा रोक्न सक्यो ।

त्यतिन्जेल मलेसियाको ७ विकेट गुमेको थियो । ८४ रनको लक्ष्य नेपालले ८ ओभर खेल्दै ३ विकेट गुमाएर पूरा गर्यो ।

ज्ञानेन्द्र र प्रदिप ऐरी बुधबार प्रारम्भ मै मैदानमा उत्रिए । यी दुई खेलाडी बीच पहिलो विकेटका लागि ६६ रनको साझेदारी भयो ।

यसले नेपालको जीतको आधार खडा भएको थियो । अब नेपालले तेस्रो खेल कुवेतसँग शनिबार खेल्नेछ ।

५ टोली सहभागी प्रतियोगिताको शीर्ष स्थानमा रहने टोली विश्वकप छनोटको अर्को चरणमा पुग्नेछ ।

Loading...

फेसबुकबाट तपाईको प्रतिक्रिया

सम्बन्धित समाचार