13-Nov-2019 | २७ कार्तिक २०७६, बुधबार

निर्मला पन्त हत्याको एक वर्ष, न्याय दिन सरकार असफल

१० श्रावण २०७६, शुक्रबार ०   बिचार / प्रतिक्रिया


काठमाडौं । १३ वर्षिय किशोरी निर्मला पन्तको बलात्कार पछि हत्या भएको १ वर्ष पुगेको छ ।

कंचनपुर जिल्ला, भीमदत्त २ उल्टाखामकी निर्मलाको एक वर्ष अगाडी बलत्कारपछि हत्या भएको अवस्थामा उखुबारीमा शव फेला परेको थियो ।

यसबीचमा संसारभरबाट यस घटनाको आलोचना भयो । थुप्रै आन्दोलन भए । सरकारले पनि आधा दर्जन छानविन समिति र अनुसन्धान टोली खटायो ।

मानवाधिकार र संचारमाध्यमले आफ्नो हिसावले रिर्पोट ल्याइरहे । तर, अपराधी अझै पनि खुलेआम हिडिरहेको छ ।

यसबीचमा गृह प्रशासन निरिह देखियो । प्रधानमन्त्रीदेखि गृहमन्त्रीसम्मका गैरजिम्मेवार अभिव्यक्तिले यो घटनालाई अझ रहस्यमय बनाउँदै लगेको छ ।

कंचनपुर उल्टाखाम अझै पनि सामान्य हुन सकेको छैन । निर्मलाको परिवारका सदस्य अझै पनि त्रासमा छन् ।

किनकी मुटुको टुक्राभन्दा प्यारी छोरीको कसैले निर्मम हत्या गर्छ र हत्यारा पत्ता लाग्दैन भने स्वाभाविक रुपमा परिवारमा त्रास जारी रहन्छ ।

गृह प्रशासन भने अझै पनि यो घटनाको अपराधीको नजिकसम्म पुग्न सकेको छैन ।

यसबीचमा ८० भन्दा बढी व्यक्तिको डीएनए टेस्ट तथा हजारौं मानिससँग प्रहरीले बयान लियो । तर, अपराधी को हो पत्ता लगाउने वैज्ञानिक विधि प्रहरीसँग छैन ।

फेसबुकबाट तपाईको प्रतिक्रिया

सम्बन्धित समाचार