Epapers :

23-Oct-2019 | ६ कार्तिक २०७६, बुधबार

मनसुनले लियो १११ को ज्यान

१० श्रावण २०७६, शुक्रबार ०   बिचार / प्रतिक्रिया


काठमाडौं । मनसुन शुरु भएयता १ सय ११ नागरिकले ज्यान गुमाउनु परेको छ ।

गृह मन्त्रालय, राष्ट्रिय आपत्कालीन कार्य सञ्चालन केन्द्रको तथ्यांक अनुसार बर्षा पछि आएको बाढी र पहिरोले उक्त मानवीय क्षति निम्त्याएको हो । अझै ४० जना वेपत्ता र ६७ जना घाइते रहेको केन्द्रको तथ्यांकमा उल्लेख छ ।

आर्थिक क्षतिको गणना भइरहेको र अनुमानित १ अर्ब भन्दा बढी मूल्यको भौतिक संरक्षनामा क्षति पुगेको गृह मन्त्रालयको भनाई छ ।

केन्द्रले सार्वजनिक गरेको पछिल्लो तथ्यांक अनुसार यस मनसुनमा सबैभन्दा बढी गुल्मीमा मानवीय क्षति भयो । गुल्मीमा १३ जनाले ज्यान गुमाउनु परेको छ । रौतहटमा १० जनाको निधन भयो ।

मनसुनका कारण बाढी, पहिरो र डुवानको समस्याबाट ६४ जिल्ला प्रभावित गृह मन्त्रालयकाृ एकिकृत तथ्यांकमा उल्लेख छ ।

सिराहामा ७, र ललितपुरमा ६ जनाको ज्यान गएको छ । सिन्धुली, धनुषा, मकवानपुर र भोजपुरमा पाँच\पाँच जनाको निधन भयो ।

महोत्तरी, मोरङ, ओखलढुङ्गा, लमजुङ र डोल्पामा चार\चार जनाले ज्यान गुमाउनु परेको गृहको तथ्यांक छ ।

काठमाडौँ, पर्सा, खोटाङ, झापा, काभ्रेपलाञ्चोकमा तीन\तीन, सुनसरी, धादिङ, दाङ र बारामा दुई\दुई जनाको ज्यान गएको हो ।

उदयपुर, पाँचथर, सङ्खुवासभा, इलाम, सर्लाही, रामेछाप, सिन्धुपाल्चोक, पश्चिम नवलपरासी, बाग्लुङ, पाल्पा, कपिलवस्तु र रोल्पामा एक÷एक जनाको मृत्यु भयो ।

असार दोस्रो साताबाट शुरु भएको अविरल वर्षाले देशको अधिकांश भूभाग प्रभावित भएको हो ।

फेसबुकबाट तपाईको प्रतिक्रिया

सम्बन्धित समाचार