14-Nov-2019 | २८ कार्तिक २०७६, बिहीबार

आगामी साता पेट्रोलियम पाइपलाइन उद्घाटन, दुई प्रधानमन्त्रीले स्वीच थिच्ने

१० श्रावण २०७६, शुक्रबार ०   बिचार / प्रतिक्रिया


काठमाडौं । अन्तर देशीय पेट्रोलियम पाइपलाइन आगामी साता उद्घाटन हुने भएको छ । उद्घाटन भएसँगै पाइपलाइन संचालनमा आउने छ । त्यसपछि डिजेल आयात पाइपलाइनबाट शुरु हुने छ ।

अगस्ट पहिलो साता पाइपलाइन उद्घाटनको चाँजोपाँजो मिलाउने गरी तयारी भइरहेको नेपाल आयल निगमका एक अधिकारीले जानकारी दिए ।

पाइपलाइनको नेपाल र भारतका प्रधानमन्त्रीले स्वीच थिचेर गर्नेछन् । तर, त्यसका लागि उनीहरुको भेट भने हुने छैन ।

आआफ्नो देशमा रहेको स्वीच थिच्दै पाइपलाइनको उद्घाटको तयारी भइरहेको छ ।

भारतको मोतीहारीदेखि नेपालको अमलेखगञ्जसम्म ६९.२ किलोमिटर लामो पाइपलाइन निर्माण गरिएको छ ।

गत २ साउनमा सफल परिक्षण गरिएको पाइपलाइन नेपालतर्फ ३७.२५ र भारततर्फ ३२.६५ किलोमिटर रहेको छ ।

शुरुमा डिजेल मात्र आयात हुने यस पाइपलाइनबाट पछि भने अन्य इन्धन समेत ल्याउन सकिने व्यवस्था हुने निगमको भनाई छ ।

फेसबुकबाट तपाईको प्रतिक्रिया

सम्बन्धित समाचार