काठमाडौं । आइसीसी म्यान्स टी२० वल्र्डकप एसिया रिजन फाइनलमा कुवेतमाथि नेपालले ७ विकेटको सहज जीत हात पारेको छ ।

शनिबार सिंगापुरमा सम्पन्न खेलमा कप्तान पारस खड्काको प्रेरणादायी प्रदर्शनमा नेपाल विजयी भएको हो ।

टस जितेर फिल्डङ गरेको नेपालले कुवेतबाट १ सय ४२ रनको लक्ष्य प्राप्त गर्यो । जवाफी ब्याटिङमा उत्रिएको नेपालले ३ विकेटको विकेटको क्षतिमा ४.२ ओभर अगाडी नै लक्ष्य भेट्यायो ।

नेपालका लागि कप्तान पारस खड्काले सर्वाधिक ६८ रन बनाए । उनले मात्र ४२ बलको सामना गरेका थिए ।

उपकप्तान ज्ञानेन्द्र मल्लले १३ बलमा १९ रन जोडे । शरद भेष्वाकरले ३८ रन जोडे । विश्वकप छनोटको ग्लोबल क्वालिफायरमा छनोट हुन अब नेपाल एक खेलमा विजयी भए पुग्छ ।

नेपाल र आयोजक सिंगापुरबीच आइतबार निर्णायक खेल हुनेछ । पहिले ब्याटिङ गरेको कुवेतले ९ विकेटको क्षतिमा मात्र १ सय ४१ रन जोड्न सक्यो ।

कुवेतलाई सस्तैमा रोक्ने क्रममा नेपालका स्पीनर संन्दिप लामिछाने र बसन्त रेग्मीले ३्३ विकेट लिए । करण केसीले २ र अविनास बोहोराले १ विकेट लिए । कुवेतका मोहम्मद कासिफले ४९ रन जोडे ।