काठमाडौं । प्रेमिकालाई हत्या गरेर फरार रहेका अभियुक्तलाई प्रहरीले १२ वर्षपछि पक्राउ गरेको छ ।

केन्द्रीय अनुसन्धान व्यूरो (सीआइबी) महाराजगञ्जको टोलीले १२ वर्षदेखि फरार राजेश लामालाई पक्राउ गरेको हो ।

काभ्रे, रोशी गाउँपालिका, ३ घर भई ललितपुरमा बस्दै आएका लामालाई शुक्रबार पक्राउ गरिएको प्रहरीले बताएको छ सीआईबीले आइतबार उनलाई सार्वजनिक गर्यो ।

२७ पुस ०६४ मा मकवानपुर फापरबारीकी सुनिता लामालाई उनकै कोठमा हत्या गरी फरार भएका लामा १२ वर्षपछि पक्राउ परेका हुन ।

प्रहरीका अनुसार विवाह गर्ने सल्लाह भएपछि पनि प्रेमिका सम्पर्कमा नआएको निउमा सुनिताको हत्या गरेका थिए ।