काठमाडौं । आइसिसी टी-२० विश्वकप छनोट एसिया फाइनलको विजेता बन्दै आगामी अक्टोबरमा युएईमा आयोजना हुने विश्वकप छनोट पुग्ने नेपालको सपनामा तुषारापात भएको छ ।

सिंगापुरसँग आइतबार भएको निर्णायक खेलमा नेपाल ८२ रनले पराजित भयो ।

नेपाललाई हराएको सिंगापुर भने समूहको शीर्ष स्थानमा रह्यो र विश्वकप छनोटको ग्लोवल छनोटको टिकट पक्का गर्यो ।

नेपाल कतार र सिंगापुरजस्ता तुलनात्मक रुपमा कमजोरी टोलीभन्दा पनि तल अर्थातः तेस्रो स्थानमा रहँदै यात्रा टुंग्याउन बाध्य भयो ।

नेपालले आइतबार आफ्नो क्षमता अनुसार कुनै पनि साइडमा राम्रो प्रदर्शन गर्न सकेन । टस हारेर पहिले फिल्डमा उत्रिएको नेपालका बलरलाई सिंगापुरका ब्याट्सम्यानले नराम्रोसँग चुटे ।

निर्धारित २० ओभरमा सिंगापुरले कूल १ सय ९२ रन जो्डन सक्यो । जवाफी लक्ष्य भेटाउन मैदानमा उत्रिएएको नेपाल मात्र १ सय ९ रनमा समेटियो ।

नेपालका सबै खेलाडीले बिर्सनलायक प्रदर्शन गरे । यससँगै नेपालको ६ वर्षपछि पुनः विश्वकप खेल्ने सपना समाप्त भएको छ ।

यसअघि नेपालले सन् २०१४ को टी २० विश्वकप खेलेको थियो । त्यसपछि भने नेपालले निरन्तर उत्कृष्ट प्रदर्शन गरेपनि ठूलो प्रतियोगितामा चुक्दै आएको छ ।

अहिले नेपालसँग एक दिवसीय मान्यता समेत रहेको छ । खेलमा पराजित भएपछि कप्तान पारस खड्काले समर्थकसँग माफि मागेका छन् ।

यद्दपी यस प्रतियोगितामा पारस खड्का र ज्ञानेन्द्र मल्लले उत्कृष्ट खेल प्रदर्शन गरे ।

उनीहरु प्रारम्भिक ब्याट्सम्यानका रुपमा मैदान छिरेका थिए । यसपटक बलरहरुले भने उत्कष्ट प्रदर्शन गर्न सकेनन् । किनकी नेपालको बलियो पक्ष नै बलर हुन् ।