काठमाडौं । सोमबार विश्वभर बाघ दिवस मनाइदैछ । नेपाल पनि बाघको सुरक्षित बासस्थानमध्ये एक, त्यसकारण विश्वको ध्यान यस मुलुकतर्फ हुनु स्वाभाविक पनि हो ।

तर, पछिल्लो समय विश्वव्यापी रुपमा बढ्दै गएको वन्यजन्तुको सुरक्षाको विषय भने निकै पेचिलो बन्दै गएको छ ।

अघिल्लो साता चितवन निकुन्जलबाट सार्वजनिक भएको एक तथ्यांक अनुसार एक वर्षमा करीव ३ दर्जन भन्दा बढी गैडा मरेका छन् ।

जहाँ नेपालले शून्य चोरी शिकारी वर्ष मनाएको थियो । यसरी वन्यजन्तुको असाधारण निधनले कतै वन्यजन्तु संरक्षणमा हाम्रा प्रयास असफल त भइरहेका छैनन् भन्ने प्रश्न स्वाभाविक रुपमा उठेको छ ।

सोमबार परेको बाघ दिवस ‘पर्या पर्यटनका लागि बाघ संरक्षण’ भन्ने नारासहित मनाइदैछ । बाघ दिवस विशेष कार्यक्रम भने बाँके राष्ट्रिय निकुन्जमा आयोजना गरिएको छ ।

जहाँ तीन वटै सरकारका प्रतिनिधि सहभागी भएर बाघ संरक्षणमा ऐकिवद्धता जनाउँदैछन् ।

सन् २०१० मा नेदरल्यान्ड्सको सेन्ट पिटर्सवर्गमा भएको टाइगर समिटबाट सन् २०२० सम्ममा दुर्लभ पाटे बाघको संख्या दोब्बर बनाउने घोषण गरेको थियो ।

त्यसपछि विश्वभर जुलाई २९ मा बाघ दिवस मनाउन थालियो । नेपालको प्रतिवद्धता अनुसार सन २०२२ सम्ममा नेपालमा २ सय ५० बाघ हुनुपर्नेछ । सरकारको तथ्यांक अनुसार अहिले देशभर बाघको संख्या २ सय ३५ छ ।