23-Nov-2019 | ७ मंसिर २०७६, शनिबार

पानीले दियो युट्युब सेलिब्रेटीलाई डरलाग्दो पिडा

१० जेष्ठ २०७६, शुक्रबार ०   बिचार / प्रतिक्रिया


न्युयोर्क

“म शार्क जस्तै पौडी खेल्थें । डिप डाईभिङ एटेम्प्ट गर्थें । घण्टौ समुन्द्रको वीचमा रमाउँथें । व्यायाम गर्थें । दौडन्थें । अब त्यो सबै सपनाको कथा बनेका छन् । बिहान उठेर बाथरुम जानु नै पिडादायी हुन्छ । इष्ट ससेक्स एरियामा यसैपनि धेरै पानी पर्छ, त्यो डरले घरबाट निस्कन पनि सक्दिन । यो समस्यासँग जुध्दै गर्दा बीमा कम्पनीको जागिरबाट पनि हटाईयो । पसिना आउने डरले योगा कक्षा जान पनि सक्दिन । आँसु आउने डरले मन खोलेर रुन पनि सक्दिन । एक किसिमको अपाहिज जस्तै बनेकी छु । परिवारले पनि मेरो लागि धेरै सहयोग गर्नु परेको छ ।“

यो करुणदायी अभिव्यक्ति हो २१ वर्षिया चर्चित भ्लगर निया सेल्वीको । लण्डन शहर नजिकै पर्ने हाष्टिङमा बस्दै आएकी यूट्युबर नियाका १ लाख ३० हजार सब्सक्राईबर्स पनि उनको यो दुर्दान्त अवस्थाबाट दुखी छन् । शारिरीक रुपमा तन्दरुस्त सुन्दरी देखिन्छिन् । बोलेर धेरैलाई प्रभाव पार्न सक्छिन् । तर उनी र उनका व्वाईफ्रेण्ड अहिले उनको अनौठो पानी एलर्जीले गर्दा जीवनसँग खिन्न छन् ।

नियाको कथा अरुको भन्दा अलि बेग्लै किसिमको छ । करिब एक मिलियनमा एक जनालाई हुने ’अक्वाजेनिक प्रराईटस्’ अर्थात पानीसँग सम्पर्क गर्न नमिल्ले किसिमको एलर्जिबाट पिडित छिन उनी । करिब ३ वर्ष अघि उनलाई एक्कासी पानी छुँदा चिलाउने, डाबर आउने हुन थाल्यो । बिस्तारै समस्या बढ्दै गएर आफ्नै पसिना र आँसुले समेत चिलाउने, सिकसिक लाग्ने, पोल्ने हुन थाल्यो । डाक्टरलाई देखाउँदा रगतको क्यान्सरको शंका पनि गर्यो तर एकिन गरेनन् । अहिले उनी चमत्कार जस्तो गरी आएको रोग चमत्कार जस्तै गरी जाओस् भनेर प्रार्थना गर्दै बस्छिन् । तर रोग, आएको जसरी नै जाने गर्दैन । उनी आफुलाई अभागी मान्न थालेकी छिन् ।

धेरैको जीवनमा अप्रत्यासित घटना घट्छन् । केहीको जीवनमा भने अपत्यारिला र अनौठा पनि घट्छन् । निया सेल्वी आफूलाई अनायासै यस्तो भएको विश्वास नै गर्न सक्दिनन् । डाक्टरहरु जेनेटिक डिस्अर्डरले पनि भन्छन् । यतिबेला उनी पानी, पसिना, आँसु एलर्जी जस्ले उसलाई भत्भती पोल्ने गर्छ।यो रोगबाट मुक्ति पाऊन उनि अहिले जहाँ जान जे गर्न पनि तयार छिन्। नुहाईसकेपछि समेत घण्टौं पिडामा रहनु परेतापनि पानी, पिऊदा भने अहिलेसम्म उनलाई समस्या भएको छैन ।

श्रोत : डेली मेल

Loading...

फेसबुकबाट तपाईको प्रतिक्रिया

सम्बन्धित समाचार