क्यानडा । नेपाली क्रिकेट टोलीका सदस्यद्वय सन्दीप लामिछाने र सोमपाल कामी ग्लोबल क्यानडा टी-२० मा भाग लिन क्यानडा पुगेका छन् । उनीहरु आइतबार नै क्यानडा लागेका हुन् ।

यस पटक पहिलो चोटी सोमपाल कामी विदेशी लीगका लागि छनोट भएका हुन् । यी दुई खेलाडी आइसीसी टि–२० विश्वकपको एसिया छनौटपछि सिंगापुरबाट सिधै क्यानडा गएका हुन् ।

यस सिजनका लागि सन्दीपलाई टोरोन्टो नेशनल्सले ६० हजार अमेरिकी डलर र सोमपाललाई विनिपेग हक्सले ३ हजार अमेरिकी डलरमा अनुबन्ध गरेका छन् ।

यी दुबै खेलाडी नेपाली टोलीका प्रभावशाली खेलाडी हुने । मंगलबारबाट टीममा आवद्ध हुने खेलाडीहरु सन्दीप र सोमपालको टोली भने सोमबार नै भिड्दैछन् ।

तर, भर्खरै क्यानडा पुगेका दुई खेलाडी भने आराम गर्नेछन् । उनीहरु मेन्चमा बसेर क्रिकेट हेर्ने र अर्को खेलबाट टोलीको हिस्सामा सामेल हुनेछन् । अहिलेसम्म दुबै टोलीले २\२ खेल खेलिसकेका छन ।