अमेरिका ।
जो मानिस रातिमा ६ घण्टा भन्दा कम सुत्छ उसलाई ६ घण्टा भन्दा धेरै सुत्नेलाई भन्दा ३५ प्रतिशत बढी हृदय रोग लाग्ने सम्भावना भएको खोज तथा अनुसन्धानकर्ताहरुले बताएका छन् । कम सुताईको कारण मानिसको मुटुमा भएको धमनीहरु साघुरो हुन पुग्दछन् र कोरोनरी आर्ट्रिज सम्बन्धी रोग लाग्दछ र जसवाट हृदयघात हुन पुग्दछ ।
म्याड्रिड स्थित स्पानिस नेसनल सेन्टर फर कार्डियो भस्कुलर रिसर्चले नेत्रित्व गरेको एक समुहले भनेको छ ” यदी ६ घण्टा भन्दा कम सुत्ने गरेको छ भने आफ्नो सुत्ने रुटिनलाई बद्ल्यो भने मुटुरोगको उपचार गर्नु भन्दा निक्कै सस्तो पर्न जान्छ ” ।
अमेरिकन कलेज अफ कार्डिलोजीको एक जर्नलमा प्रकाशित सामाग्रीका अनुसार त्यो समुहले स्पेन स्थित ४ हजार ब्यांक कर्मचारीहरुमा उक्त्त अनुसन्धान गरेको थियो । अनुसन्धानमा सहभागी प्रायः सबै ४६ बर्ष वा त्यो भन्दा केही माथि उमेर समुहका कुनै पनि मुटु सम्बन्धी रोगको पूर्व विवरण नभएकाहरु थिए । अनुसन्धानकर्ताहरुले अनुसन्धानमा सहभागि हुने हरुलाई ४ समुहमा बिभाजन गरेका थिए । ६ घण्टा भन्दा कम ६ देखी ७ घण्टा ७ देखी ८ र ८ घण्टा भन्दा माथि सुत्नेहरु गरेर ४ समुहमा बिभाजन गरिएको हो । सहभागिहरुलाई एयाक्टिग्राफ नामक घडी जस्तो उपकरण दिएर ७ दिन भन्दा धेरै उनीहरुको निन्द्रा मापन गरिएको थियो । उक्त उपकरणले नियमितरुपमा निन्द्राको समयमा चाल र बिउझीएको मापन गर्द्थ्यो ।