फ्लोरिडाका एक युवाले एचअाईभि पोजेटिभ भएको कुरा गोप्य राखेर महिलासँग शारिरिक सम्पर्क राखेपछि एचअाईभि सारेको अभियोगमा १० बर्षको काराबास सजाय भोग्नु पर्ने भएको छ । २७ वर्षिय रशिम ईके बोडिफोर्डले आफ्नो रोग गोप्य राखि २ जना महिलासँग शारिरिक सम्पर्क गरेको र सो मध्ये १ महिलालाई एचअाईभि सारेको अभियोगमा न्यायपिठ (जुरी) ले समुदायको लागि खतरा हुने भन्दै १० बर्ष कराबासको सजाय तोकेको हो । बोडिफोर्डले १० बर्षको काराबास सजाय भुक्तान गरेपछि ५ बर्ष समुदाय सेवाको लागि काम गर्नु पर्ने छ ।
एचअाईभि एक प्रकारको जिवाणु हो, जसको प्रवेशपछि शरीरमा रोगसँग लड्ने क्षमतामा ह्रास आउँदछ र मानिसलाई बिभिन्न रोगहरुले आक्रमण गर्दछ । यदि एचअाईभिको उपचार समयमा भएन भने मानिसलाई एड्स रोग लाग्दछ । यो जिवाणू मानिसहरु एक-अर्काको संसर्गमा आउँदा रगत बिर्य रेक्टल फ्लुयुडको मार्फत सर्ने गर्दछ । सन २०१६ को सेप्टेम्बरदेखि २०१७ को अक्टुबरसम्म २ महिलासँग शारिरिक सम्पर्क गरेका बोडिफोर्डले आफुलाई एचअाईभि संक्रमित भएको कुरा लुकाएर यौन र्सम्पर्क गर्दै आएका थिए । गत अप्रिलमा भएको एक सुनुवाईमा दोषी बोडिफोर्डले आफुले जिवनमा ठुलो पाठ सिकेको बयान दिएका थिए । बोडिफोर्डलाई गत शुक्रबार न्यायपिठ (जुरी) को एक समुहले कैद तोकेको हो ।

एजेन्सी