काठमाडौं । नेपाली समूदायको उल्लेख्य बसोबास रहेको जापानको टोकियो नजिकैको नारिता विमानस्थलमा नेपालको ध्वजाबाहक नेपाल एयरलाइन्सले चार्टर्ड उडान गर्ने भएको छ ।

नेपाली समूदायको आग्रहमा नारिताबाट दुई वटा चार्डर्ड उडान गर्न लागिएको नेपाल एयरलाइन्सले जानकारी दिएको छ ।

नारितामा आगामी सेप्टेम्बर २६ मा पहिलो चार्डर्ट उडान हुने नेपाल एयरलाइन्सले जानकारी दिएको छ ।

दोस्रो उडान भने २ अक्टोवरमा हुने भएको छ । काठमाडौंबाट नारिता पुगेको जहाज उताका यात्रु लिएर नेपाल आउने भएको छ । धेरै नेपाली रहेका गन्तब्यमध्ये जापान पनि एक हो ।

त्यसो त नेपाल एयरलाइन्सले २९ अगस्टबाट जापानको ओशाकामा नियमित उडान गर्दैछ । यहाँ साताको तीन उडान गर्ने निश्चित भएको छ ।

यसका लागि निगमले धमाधम टिकट बुक गरिरहेको छ । जापनबाट वर्षेनी ३० हजार भन्दा बढी पर्यटक नेपाल भ्रमणमा आउँछन् ।

नेपाल एयरलाइन्सको उडानले ति पर्यटकसमेत लाभान्विन हुनेछन् । किनकी अहिले जापानबाट कुनै पनि वायुसेवाको सिधा उडान छैन ।