23-Sep-2020 | [nepali_today_date]

यमनमा सैन्य परेडमाथि आक्रमण, दर्जनौं हताहत

August 2, 2019 ०   बिचार / प्रतिक्रिया


यमनमा एक सैन्य परेडमाथि आक्रमण हुँदा कम्तीमा ४७ जनाको निधन भएको छ । यमनका दक्षिणी पोर्ट सीटी अदनमा भएका दुई छुट्टाछुट्टै आक्रमणमा ठूलो संख्यामा सैनिक मारिएका हुन् ।

अंतरराष्ट्रीय संचारमाध्यमहरुका अनुसार सैन्य शिविरमा परेड चलिरहेका बेला सिमाइल आक्रमण भएको थियो ।

सिमाइल आक्रमणमा परी ३६ जनाको निधन भएको र त्यसअघि भएको आत्मघाति विष्फोटमा ११ जना सुरक्षाकर्मीको ज्यान गएको सरकारी अधिकारीहरुले पुष्टी गरेका छन् ।

यमनको राजधानी कब्जा गर्ने उद्देश्य सहित हुइथी विद्रोहीले यस घटनाको जिम्मेवारी लिएको छ । विद्रोह दवावउन सरकारी फौजले तयारी गरिरहेको भन्दै विद्रोहीले आक्रमणको जिम्मेवारी लिएका हुन् ।

यस सुरक्षा फौजलाई संयुक्त अरव इमिरेट्स (यूएई)ले समर्थन गरेको छ । विद्रोहीसँग लड्न एकिकृत गराइएको सुरक्षा फौजको तालीम यहाँ चलिरहेको थियो । अदन अंतरराष्ट्रीय मान्यता प्राप्त राजधानी शहर हो ।

विद्रोहीले अदनको बुराइका इलाकामा पर्ने अलजाला सैन्य शिविरमा मध्यम दूरीको मिसाइल तथा सशस्त्र ड्रोन प्रहार गरेको सरकारी अधिकारीहरुले पुष्टी गरेका छन् ।

यो यमनको सुरक्षा बेल्ट क्षेत्रका रुपमा लिइने रणनीतिक एरिया हो । यमनमा युद्ध निकै डरलाग्दो गरी फैलिरहेको छ ।

मार्च २०१५ मा हुइथी विद्रोहीहले देशको पश्चिमतर्फको एरिया कब्जा गरेका छन् ।

त्यसपछि तत्कालिन नेतृत्व नै निर्वासित हुनु परेको थियो ।

सरकार अहिले विद्रोहीबाट कब्जा भएको क्षेत्र फिर्ता गर्ने र थप क्षेत्रको सुरक्षामा संघर्ष गरिरहेको छ । सरकारीलाई यूएईले सहयोग गरिरहेको छ ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार