17-Nov-2019 | १ मंसिर २०७६, आईतवार

मंसिर १४ मा हुने भयो उपनिर्वाचन

१७ श्रावण २०७६, शुक्रबार ०   बिचार / प्रतिक्रिया


काठमाडौं । उपनिर्वाचन आगामी मंसिर १४ गते हुने भएको छ । निर्वाचन आयोगको बिहीबारको निर्णयले उपनिर्वाचनको मिति तय गरेको हो ।

आयोगका प्रवक्ता शंकरप्रसाद खरेलले उपनिर्वाचनको मिति तय भएको जानकारी दिएका छन् । शनिवार पर्ने उक्त दिन सबै तहको निर्वाचन एकै पटक संचालन हुने भएको छ ।

देशभर ५० स्थानमा उपनिर्वाचन गर्नुपर्ने खरेलद्धारा जारी विज्ञप्तीमा उल्लेख छ । ३७ जिल्लाका विभिन्न पद खालि छन् ।

विविध कारणले खाली भएका संघ, प्रदेश र स्थानीय तहमा निर्वाचन गराउनु पर्छ । त्यसमध्ये प्रतिनिधिसभा सदस्यको कास्की ३ खाली छ ।

यो स्व. सांसद तथा पर्यटन मन्त्री रवीन्द्र अधिकारीको क्षेत्र हो । उनको १५ फागुनमा हेलिकोप्टर दूर्घटनामा परी निधन भएको हो ।

प्रदेशतर्फ बाग्लुङ २ ९ख० मा गण्डकी प्रदेश सांसद टेकबहादुर घर्ती, प्रदेश ५ को दाङ ३ ९ख०मा उत्तरकुमार ओली र प्रदेश ३ को भक्तपुर १ ९ख०बाट हरिशरण लामिछानेको निधन भएपछि प्रदेशसभाका तीन स्थान खाली छन् ।

सुनसरी, धरान उपमहानगरपालिकाका प्रमुख तारा सुब्बाको निधन भएकाले यहाँ पनि उपनिर्वाचन गराउनु पर्नेछ ।

विभिन्न तीन गाउँपालिका अध्यक्ष, एक उपाध्यक्ष र ३६ जिल्लाका ४१ वटा वडा अध्यक्षको पद पनि रिक्त रहेको आयोगको भनाई छ ।

नेपालमा डेढ वर्ष अगाडी निर्वाचन भएपछि संघीयता पूर्ण रुपमा लागू भएको थियो ।

फेसबुकबाट तपाईको प्रतिक्रिया

सम्बन्धित समाचार