17-Nov-2019 | १ मंसिर २०७६, आईतवार

अमेरिकामा लोखर्केले गर्यो जाडो सकिएको भबिश्यबाणी

१० जेष्ठ २०७६, शुक्रबार ०   बिचार / प्रतिक्रिया


न्यूयोर्क
शनिबार बिहान पेन्सेलभनिया राज्यको पंसटोनी शहरमा झिसमिसे देखी हजारौँको भिड लाग्यो । कारण थियो मौसम बिज्ञ लोखर्केले घोषणा गर्ने आगामी मौसमको भबिस्यबाणी । हरेक बर्ष फेबरुअरीमा क्यानडा र अमेरिकामा मनाइने ‘ग्राउन्ड हग डे’ उत्सव पेन्सलभानियामा शनिबार (फेब्रुअरी २) मनाईयो ।

सन् २०१० मा जन्मिएको पंसटोनी फिल नामक लोखर्केले आज बिहान घाममा आफ्नो छाँया नदेखेका कारण अब छिट्टै बसन्त ऋतुको आगमन हुने भबिस्यबाणी गरेको थियो । त्यस लगत्तै फिल्स आन्तरिक कमिटीका एक सदस्यले लोखर्केको भबिश्यबाणी पढदै भने “मेरा बिश्वासी अनुयायीहरु, यहाँ आज मेरो छायाँ देखिएन र अब सुन्दर बसन्त ऋतुको आगमन हुँदै छ ।” पंसटोनीको भबिश्यबाणी सुन्ने बित्तिकै भेला भएका हजारौँले ताली पट्काएर स्वागत गरे । एक अर्कामा खुशी साटा साट गरे ।

यदी फिलले घाममा आफ्नो छायाँ देखेको भए आगामी ६ हप्ता खराब मौसमको सामना गर्नु पर्ने जनबिश्वास रही आएको छ ।

अत्याधिक जाडोले आहत बनेका अमेरिकीहरुलाई पंसटोनी फिलको त्यो भबिस्यबाणीले केही राहत भने अवश्य दिएको छ । हरेक बर्ष फेब्रुअरी २ तारिकलाई ग्राउन्ड हग डे को नामले मनाउने चलन छ । ग्राउन्ड हग डे मनाउने प्रचलन अमेरिका र क्यानडामा सन् १८८७ देखी सुरु भएको हो । पंसटोनी फिल त्यती बेला झनै संसारभर प्रख्यात भएको थियो जब १९९३ मा यस बारे हलिउडमा सिनेमा नै बन्यो । यद्यपी १३० बर्ष अगाडि देखी विश्वास गरिदै आएको फिलको भबिस्यबाणी भने त्यती मिल्ने गरेको ट्र्याक रेकर्ड नभएको सि एन एन ले लेखेको छ । सि एन एन का अनुसार फिलको भबिस्यबाणी ४० प्रतिशत मिल्ने गरेको छ ।

फेसबुकबाट तपाईको प्रतिक्रिया

सम्बन्धित समाचार