दक्षिण अमेरिकी फुटबल प्रशासकीय निकाय दक्षिण अमेरिकी फुटबल संंघले विश्वचर्चित खेलाडी लियोनल मेसीमाथि ३ महिनाको प्रतिवन्ध लगाएको छ ।

साथै उनीमाथि ५० हजार अमेरिकी डलर जरिवानासमेत तोकिएको छ । अर्जेन्टाइन कप्तान मेसीले कोपा अमेरिका फूटबलको सेमिफाइनलमा ब्राजिलसँगको खेलपछि प्रशासकीय निकाय नै ब्राजिललाई जिताउन लागेको टिप्पणी गरेका थिए ।

प्रतियोगिताको तेस्रो स्थानका लागि भएको खेलमा बीना कारण रातो कार्ड खाएपछि मेसी झनै आक्रामक बनेका थिए ।

सेमिफाइनलमा अर्जेन्टिना र चिली भिडेका थिए । बार्सिलोनाका समेत कप्तान मेसीले अन्तरराष्टिय फूटबलमा प्रतिवन्ध भोगे पनि क्लव फूलबल भने जारी राख्नेछन् ।

क्लवमा अब नयाँ सिजन शुरु हुँदैछ । मेसीले आफ्नो प्रतिवन्ध विरुद्ध अपिल गर्न सक्नेछन् । सामान्यतया राम्रो छाप पार्न सफल विश्वस्तरीय खेलाडीको अपिल पुनः रिभ्यू हुने सम्भावना रहन्छ ।

अर्जेण्टिनाले सेप्टेम्बर र अक्टोबरमा चिली, मेक्सिको र जर्मनीसँग मैत्रीपूर्ण खेल खेल्दैछ । मेसीलाई तीन महिले प्रतिवन्ध सदर भए उनी यी खेल गुमाउनेछन् ।

एजेन्सी