काठमाडौं । नेपाली बजारमा सुनको मूल्यले कीर्तिमान कायम गरेको छ । आइतबार ईतिहासमै सबैभन्दा उच्च मूल्यमा सुनको कारोबार भएको हो ।
नेपाल सुन चाँदी व्यवसायी संघका अनुसार छापावाल सुन प्रतितोला ६६ हजार ३ सय रुपैयाँ मूल्यमा पुगेको हो ।
तेजाबी सुनको मूल्य भने प्रतितोला ६६ हजार कायम भयो । शुक्रबार ६५ हजार ८ सयमा पुगी कायम भएको रेकर्ड आइतबार नै तोडिएको हो ।
अन्तराष्ट्रिय बजारमा सुनको मूल्य बढेपछि त्यसको सिधा असर नेपालमा पनि दखिएको संघको भनाई छ ।
अमेरिका र इरानबीचको द्धन्द्ध तथा अमेरिका र चीन व्यवपार युद्धले अन्तराष्ट्रिय सेयर बजार र सुनको मूल्यमा भारती उतार चढाव आइरहेको छ । सुनको मूल्य आकासीयसँगै नेपाली बजारमा व्यापार भने सुस्ताएको व्यापारीहरु बताउँछन् ।
