अमेरिका ।

हरेक मान्छेले लगाउने टाई फरक फरक रङ्गका हुन्छन् । फरक फरक गुणस्तरका हुन्छन् । टाई कसैले लामो पारेर तल सम्म झारेका हुन्छन् त कसैले अली छोटो टाई लगाउछन् । लामो टाई लागाउनेमा एकजना हुन अमेरिकी राष्ट्रपती डोनाल्ड ट्रम्प । आखिर किन राष्ट्रपती ट्रम्प निक्कै लामो टाई लगाउछन् । म्यासिचुइस्टेट्स युनिभर्सिटीका मनोविज्ञान बिषयका प्रोफेसर सुसन क्राउस विथबर्नले हफिन्टनपोस्टमा लेखेका थिए डोनाल्ड ट्रम्प कि त आफ्नो योनाङ्ग प्रती आकर्षण गर्न लामो टाई लगाउछन् कि त उनी हिम्मतिला व्यक्ती नभएको ट्रम्पको त्यो लामो टाई लागाउने स्टाईलबाट बुझिन्छ ।

तर अमेरिकाको न्युजर्सी राज्यका पूर्व गभर्नर क्रिस क्रिस्टीको आउदै गरेको पुस्तकमा क्रिस्टीले लेखेका छन् ” ट्रम्पले आफुलाई पातलो देखाउन लामो टाई लगाउने गरेको बिभिन्न समयमा बताएका थिए ” । क्रिस्टीले आफ्नो आगामी पुस्तक ” लेट मि फिनिश ” को प्रारम्भिक प्रतिलिपी चर्चित पत्रीका गार्जियनलाई दिएपछी गार्जियनले पनि राष्ट्रपती ट्रम्पको चलाखी पूर्ण फैसनको बारेमा लेखेको छ ।
पूर्व गभर्नर क्रिस्टीलाई राष्ट्रपती ट्रम्पले सन् २००५ मा यदी तिमीलाई राजनीतिमा जित हासिल गर्नु छ भने ब्यक्तित्व पनि राम्रो देखिनु पर्छ । लामो टाईको प्रसंगमा सन् २०१६ मा ट्रम्पले पुन उनको लामो टाईले आफुलाई पातलो ( स्लिम ) देखिन मद्घत गरेको क्रिस्टीलाई ट्रम्पले स्स्मरण गराएको ” लेट मि फिनिस ” नामक पुस्तकको प्रारम्भिक प्रतीमा उल्लेख गरेका छन् ।
ट्रम्पको लामो टाईको प्रसंगमा फेशन बिज्ञ हरुले उनको सिद्दान्त गलत भएको बताएका छन् । फेशन बिज्ञहरुका अनुसार पुरुषहरुले टाई कमर भन्दा मुनी लगाउदा राम्रो देखिदैन । लामो टाईले मानिसलाई डल्लो देखाउछ ।