अब टिकटक आफैले स्मार्ट फोन निर्माण गर्ने भएको छ । भिडियो सेयरिङ एप टिकटक विश्वव्यापी रुपमा सफल भइरहेको छ ।

अब उसले आफ्नो सेवा बिस्तार गर्दै व्यवसायमा प्रवेशको योजना बनाएको हो । तथ्यांक अनुसार टिकटकका विश्वभर ५० करोडभन्दा प्रयोगकर्ता पुगिसकेका छन् ।

टिकटक विकास गरेको बाइटडान्स अब स्मार्टफोन निर्माण गरी व्यवसाय बिस्तारमा जुटेको हो ।

बाइटडान्सले टिकटकसहित विभिन्न भिडियो र समाचारसम्बन्धी एप बनाउने गर्छ । टोटियो, बुज भिडियो, भिगो भिडियोलगायत यसै कम्पनीका उत्पादन हुन् ।

चिनियाँ आर्थिक पत्रिका कैजिङले उल्लेख गरेअनुसार बाइटडान्सले आफ्नो पहिलो मोडलको स्मार्ट मोबाइल २०२० को सुरुवातमै सार्वजनिक गर्ने भएको छ ।
एजेन्सी