इस्लामावाद । जम्मू कश्मीरको विषयलाई लिएर पाकिस्तानले भारतविरुद्ध कडा कदम चालेको छ । पाकिस्तानले भारतसँगको व्यापारिक सम्बन्ध नै तोड़ने निर्णय गरेको छ ।

पाकिस्तानी सुरक्षा परिषद्को बैठकले उक्त निर्णय गरेको हो । पाकिस्तानस्थित भारतीय उच्चायुक्तलाई भारत पिर्ता पठाउने र आफ्ना राजदूतलाई पनि भारतबाट फिर्ता बोलाउने निर्णय पाकिस्तानले गरेको छ ।

पाकिस्तानले भारतीय सीमामा अवस्थिति एयरस्पेस बन्द गरिदिएको छ । पाकिस्तानले जम्मु कश्मीरको विषयलाई संयुक्त राष्ट्र संघमा समेत लैजाने भएको छ ।

भारतसँगका द्धिपक्षी सन्धी सम्झौतामा समेत समिक्षा गर्ने निर्णय पाकिस्तानले लिएको छ ।

प्रधानमंत्री इमरान खानको अध्यक्षतामा बसेको बैठकले महत्वपूर्ण निर्णयहरु गरेको हो ।

परिषद्मा सुरक्षा निकायका प्रमुख तथा गुप्तचर निकायका प्रमुख समेत सदस्य हुने प्रावधान रहेको छ । यसबाहेक विदेश मन्त्री, रक्षा मन्त्रीलगायत मन्त्रीसमेत यस परिषद्मा रहन्छन् ।

भारतीय सरकारले जम्मु कश्मीर सम्बन्धी संविधानको एक धारा नै निलम्बित गर्दै उक्त क्षेत्रलाई अब आफ्नो केन्द्र सरकार मातहत शासित हुने क्षेत्र घोषणा गरेको थियो ।

यसको विरोधमा पाकिस्तानले कडा कदम चालेको हो ।

एजेन्सी