धादिङ । बेनिघाटस्थित त्रिशुली नदीमा खसेर दूर्घटनाग्रस्त बसमा सवार रहेका यात्रु मध्ये १६ जनाको सकुशल उद्दार गरिएको छ ।

तीन यात्रुले ज्यान गुमाएका छन् । प्रहरीका अनुसार बसमा ४५ जना यात्रु थिए । २६ जना अझै वेपत्ता रहेको प्रहरीले जानकारी दिएको छ ।

शुक्रबार बिहान साढे ३ बजे दूर्घटनामा परेको बसको उद्दार अबेर मात्र शुरु एको थियो । प्रहरीका अनुसार ना ६ ख ७४६९ नम्बरको बस सर्लाहीको मलंगवाबाट काठमाडौं आउँदै थियो ।

ज्यान गुमाउने तीनै जनाको सनाखत भइसकेको छ । प्रहरीका अनुसार दूर्घटनामा परी सर्लाही ब्रहम्पुरी गाउँपालिकाका राजनारायण रौनियार श्रीमती शोभा रौनियार र उनका भतिज सौरभ रौनियार रहेका छन् ।