Epapers :

21-Aug-2019 | ४ भाद्र २०७६, बुधबार

नेपालमा छोइनसक्नु सुनको भाउ, खुम्चियो बजार

२५ श्रावण २०७६, शनिबार ०   बिचार / प्रतिक्रिया


काठमाडौं ।सुनको भाउ आकासीयपछि नेपालमा सुन आम सर्वसाधारणको पहुँचबाट निकै टाढा पुगेको छ ।

अहिले प्रतितोला सुनको मूल्य ७० हजार नाघेको छ । यो इतिहासकै सर्वाधिक हो । नेपाल सुन चाँदी व्यवसायी महासंघकाअनुसार भाउ आकासिएपछि बिक्रि ठप्प भएको छ ।

जसले गर्दा बजार खुम्च्याइदिएको छ । नेपालमा तीन, दशैं र बिवाहको मौसममा बढी सुनको कारोबार हुने गर्छ । तर, तीज भित्रनै लाग्दा सुनको मूल्य आकासिएको हो ।

जसले गर्दा बजारमा सुनसान छाएको छ । महासंघका अनुसार दैनिक २० किलोसम्म हुने सुनको कारोबार अहिले दैनिक १ किलो पनि मुस्किलले हुने गरेको छ ।

जसले गर्दा सुनचाँदी व्यवसाय नै ठप्प हुने अवस्था आएको व्यवसायीहरु बताउँछन् । पछिल्लो समय सुन किन्ने भन्दा बेच्ने ग्राहक बढी आइरहेका छन् ।

किनकी विगतमा सस्तो मूल्यमा सुन किनेका ग्राहकले करीव दोब्बर मूल्य पाएपछि धमाधम बेच्न थालेपछि भने बजारमा सुन खरीद ठप्प भएको हो ।

सुन चाँदीको व्यवसाय गर्ने व्यवसायीले आफ्ना नियमित ग्राहकको सुन भने बेच्न ल्याए भने किन्नै पर्ने हुन्छ ।

महासंघले सुन धितो राखेर ऋण दिन भने अब बन्द गर्ने निर्णय गरेको छ । यसले बजारमा जोखीम बढाउने भन्दै उक्त निर्णयमा महासंघ पुगेको हो ।

फेसबुकबाट तपाईको प्रतिक्रिया

सम्बन्धित समाचार