Epapers :

21-Aug-2019 | ४ भाद्र २०७६, बुधबार

सामान्य बन्दै जम्मु कश्मीर

२६ श्रावण २०७६, आईतवार ०   बिचार / प्रतिक्रिया


श्रीनगर । संविधानको एक अनुच्छेद नै खारेज गर्दै केन्द्र प्रशासित प्रदेशमा रुपान्तरण भएको भारतको जम्मु कश्मीर अब क्रमशः सामान्य बन्दै गएको छ ।

सरकारले पाँच दिनपछि शुक्रबार टेलिफोन र इन्टरनेट आंशिक रूपमा खोलेको छ । जसले गर्दा संचारले गति लिएको छ ।

प्रहरीका अनुसार पछिल्लो ६ दिन यता एउटा पनि अप्रिय घटना भएको छैन । कतै गोली चलाउनु परेको छैन ।

अहिले संसारभरका मुस्लिम धर्मावलम्बीहरुको चाड इद नजिकिएको छ । यसमा उनीहरुले नियमित प्रार्थना गर्न सहज होस भनी टेलिफोन र इन्टरनेट क्रमशः खोलिएको हो ।

तर, अझै पनि धेरै स्थानमा प्रतिवन्ध कायम छ । सै मस्जिदमा प्रार्थना गर्न खुला गरिएका छैनन् । सडक, चोक सुरक्षाकर्मीको नियन्त्रणमा राखिएका छन् ।

उता, शनिबार विहान कम्यूनिष्ट नेता सिताराम यचुरीलाई सुरक्षाकर्मीले श्रीनगर विमानस्थलबाट नियन्त्रणमा लिएका छन् ।

उनी श्रीनगरमा कार्यक्रता भेलामा जाँदै थिए । यस क्षेत्रमा सरकारले राजनीतिक गतविधिमा कडाई गरेको छ । शनिबार आंशिक रुपमा खुलेको क्षेत्रमा नागरिक ले प्रदर्शन समेत गरेका छन् ।

सरकारले जम्मु कश्मीरमा अब स्वतन्त्र निर्वाचनको वातावरण बनाउने बताएको छ । सरकारी निर्णयलाई प्रभावित पार्ने र जनता भड्काउन सक्ने आंशकमा पूर्वमूख्यमन्त्रीहरु तथा राजनीतिक दलका नेतालाई नजरबन्दमा राखिएको छ ।
एजेन्सी

फेसबुकबाट तपाईको प्रतिक्रिया

सम्बन्धित समाचार