12-Dec-2019 | २६ मंसिर २०७६, बिहीबार

अझै भेटिएनन् त्रिशुलीमा हराइरहेका डेढ दर्जन यात्रु

२८ श्रावण २०७६, मंगलवार ०   बिचार / प्रतिक्रिया


धादिङ । त्रिशुली नदीमा बस दूर्घटनामा परी हराइरहेका १९ यात्रु अझै वेपत्ता छन् । शुक्रबार पृथ्वीराजमार्गको धादिङ, बेनीघाट रोराङ गाउँपालिका–३ सलाङघाटबाट बस त्रिशूली नदीमा खसेको थियो ।

जिल्ला प्रशासन कार्यालय धादिङका अनुसार यात्रुको खोजीमा गोरखा, चितवन, पूर्वीनवलपरासी र तनहुँसम्म खोजी कार्य जारी रहेपनि वेपत्ताको कुनै अत्तोपत्तो छैन ।

प्रहरी नदि किनारमा खटिएर खोजी जारी राखेपनि फेला पार्न नसकिएको प्रहरीको भनाई रहेको छ ।

सर्लाहीको मलङ्गवाबाट ४५ यात्रु बोकेर काठमाडौँ आइरहेको ना ६ ख ७४६९ नम्बरको बस त्रिशूली नदीमा खसेर दूर्घटना भएको थियो ।

दुर्घटनामा परी ११ जनाको निधन भइसकेको छ । उनीहरुको शव फेला परेको हो ।

केही यात्रुलाई सकुसल उद्दार गरिएको थियो । अझै १९ यात्रु हराइरहेको प्रहरीको भनाई रहेको छ । पृथ्वी राजमार्ग सबैभन्दा व्यस्त तथा जोखिमपूर्ण राजमार्ग हो । यहाँ हजारौं मानिसले ज्यान गुमाइसकेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार