काठमाडौं
नेपालले अष्टेलियामा सम्पन्न विश्व ¥याफ्टिङ च्याम्पियनसिपमा दशौं स्थान प्राप्त गरेको छ । तर, डाउन रिभरमा भने नेपालले छैटौं स्थान प्राप्त गर्न सफल भएको छ । आइतबार सम्पन्न १८औं विश्व ¥याफ्टिङ च्याम्पियनसिपको पुरुष खुल्लामा नेपालले १० स्थान प्राप्त ग¥यो । प्रतियोगिता अष्टे«लियाको क्वीन्सल्याण्डमा रहेको टली नदीमा भएको हो । विश्व च्याम्पियनसिपमा नेपालको अहिलेसम्मकै ठूलो सफलता भएको खेलाडीले बताएका छन् । नेपालले विश्व च्याम्पियनसिपमा दोस्रो पटक सहभागिता जनाएको छ ।
च्याम्पियनसिपको अन्तिम दिन डाउन रिभरमा सहभागी १६ देशमध्ये नेपाल समग्रमा १०औं स्थानमा अटाउन सफल भयो । यसअघि १३औं स्थानमा चित्त बुझाएको थियो । नेपालको तर्फबाट सुरज गुरुङ, शक्तिकुमार गुरुङ, पदमबहादुर गुरुङ, दीपेश गुरुङ, सविन गुरुङ र रविल मियाँको टोली प्रतिस्पर्धामा उत्रिएको थियो । नेपाली टोलीले अमेरिका, क्यानडा, इन्डोनेसिया र कोष्टारिका लगायतका देशलाई पछि पा¥यो ।
नेपाली टोलीका कप्तान सुरज गुरुङले आफूहरुले अष्ट्रेलियामा सोंचेभन्दा राम्रो प्रदर्शन गर्न सफल भएको बताए । नेपालले यसअघि जापानमा सम्पन्न विश्व च्याम्पियनसिपमा १३औं स्थान प्राप्त गर्न सफल भएको थियो । प्रतियोगिता सन् २०१७ मा जापानमा भएको थियो । अन्तर्राष्ट्रिय ¥याफ्टिङ महासंघ आईआरएफले विश्व च्याम्पियनसिपमा शीर्ष ८ मा रहने टोली २०२०को मार्चमा चिलीमा हुने विश्व ¥याफ्टिङ कपमा छनोट हुने जनाएको छ ।
डिफेन्डिङ च्याम्पियन ब्राजिलले अष्ट्रेलियामा पनि उपाधि चुम्यो । उसले सर्वाधिक ९ सय ९ अंक जोडेर पुरुष खुलाको उपाधि रक्षा गरेको हो । सन् २०१७ मा जापानमा भएको प्रतियोगिताका चारै स्पर्धामा ब्राजिलले स्वर्ण जितेको थियो । नेपाली खेलाडीले राज्यले लगानी गरेको अवस्थामा आफूहरुले पनि पदक जित्न सक्ने मनोबल बढेको प्रतिक्रिया दिएका छन् ।