काठमाडौं । भारतले दक्षिण एसियाली खेलकुद (साग)मा सहभागिता निश्चित गरेको छ । आगामी १५ देखि २४ मंसिरसम्म काठमाडौंमा साग आयोजना हुँदैछ ।

प्रतियोगिताका लागि भारतले सहभागिता सुनिश्चित गरेको हो । सागमा सहभागि हुने प्रत्येक देशले आफ्नो सहभागिता निश्चित रहेको पत्र आयोजक देशलाई पठाउनु पर्छ ।

नेपाल ओलम्पिक कमिटिका अनुसार भारले कन्फरमेसन लेटर पठाएर आफ्नो सहभागिता निश्चित गरेको हो । भारत र पाकिस्तानको हकमा जम्मु कश्मीरको विषयका कारण सहभागिताको अनिश्चितता थियो ।

अझै पनि पाकिस्तानको सहभागिता भने अनिश्चित छ । किनकी कश्मीर विवादले गर्दा भारत र पाकिस्तानको सम्बन्ध बिग्रिएको छ ।

यस्तोमा भारत र पाकिस्तान एकै प्रतियोगितामा भिड्छन या भिड्दैनन् भन्ने प्रश्न रहेको छ ।

अन्य देशले पनि सहभागिताको सुनिश्चितता दिएपछि खेलाडी, व्यवस्थापक तथा अन्य टोलीको नेपालमा व्यवस्थानको काम शुरु हुने भएको छ ।

सार्क मुलुकहरुबीच प्रतिस्पर्धा हुने प्रतियोगिता नै साग हो ।