14-Nov-2019 | २८ कार्तिक २०७६, बिहीबार

यसकारण आप्रवासीलाई अब अमेरिकाको ग्रिनकार्ड कठिन 

२९ श्रावण २०७६, बुधबार ०   बिचार / प्रतिक्रिया


अमेरिकाले भिषा तथा ग्रीनकार्ड सम्बन्धमा आफ्ना नीतिहरु परिवर्तन गरेको छ ।

अमेरिकी प्रेसिडेन्ट डोनाल्ड ट्रम्प आफ्नो  कार्यकालको प्रारम्भदेखि नै आप्रवासीहरुविरुद्ध आक्रामक छन् । यसै मेसोमा नयाँ नियम ल्याएर ग्रिनकार्ड प्राप्ती सम्बन्धि प्रावधान कडा बनाइएको हो ।

अमेरिकामा बसिरहेका आप्रवासीले भिषा थप र स्थायी नागरिकता (ग्रीन कार्डै पाउने प्रक्रियामा झण्झाट थपिदिएको हो ।

अमेरिकी संचारमाध्यमहरुका अनुसार नयाँ नियमपछि सरकारी सुविधामा एक वर्षभन्दा बढी समय अमेरिकामा बसेका विदेशी बढी प्रभावित हुने भएका हुन् ।

नयाँ प्रावधान अनुसार सरकारी सुविधामा बसिरहेका आप्रवासीले ग्रीन कार्ड पाउने छैनन् भने भिषा आवेदन समेत स्वीकार नहुने भएको छ ।

अमेरिकामा काम गरे पनि राम्रो आम्दानी र्न नसक्ने आप्रवासीहरु सरकारी सुविधा लिएर बस्ने गरेका छन् ।

यसमा फुट स्टाम्प, आवास र सरकारी सुविधासहितका बीमा योजनामार्फत आप्रवासीलाई सरकारले संरक्षण गरिरहेको छ ।

आप्रवासी नागरिकलाई समेत आत्मनिर्भर बनाउने यस्तो नियम ल्याइएको अमेरिकाको तर्क छ । अमेरिकामा मनग्य कमाई नहुने वा कमाउन नसक्ने व्यक्ति र परिवारका लागि ग्रीन कार्ड बन्द भएको छ ।

सरकारले १५ अक्टोवर २०१९ बाट लागु हुने गरी नियमहरु परिवर्तन गरेको हो । अमेरिकामा सरकारी सुविधामा बसिरहेका नेपालीसमेत यस प्रावधानबाट प्रभावित हुन सक्नेछन् ।

किनकी अमेरिकामा नेपालीको औसतः आम्दानी अन्य मुलुकका नागरिकको तुलनामा कम छ । किनकी अमेरिकामा धेरै नेपालीले मजदूरी गरेरै जिविकोपार्जन गर्नु परेको छ ।

अमेरिकी सरकारले अब ग्रीन कार्डका लागि हुने आवेदनमा वित्तिय स्थिति, शिक्षा, आयु तथा अंग्रेजी भाषामा भएको दक्षतालाई समेत आधार मानिने भएको छ ।

यसअघि नै ग्रीनकार्ड पाएका र शरणार्थीहरुको हकमा भने नयाँ नियमले कुनै प्रभाव नपार्ने बताइएको छ । अमेरिकामा मात्र करीव २ करोड आप्रवासी रहेको अनुमान छ ।

एजेन्सी

फेसबुकबाट तपाईको प्रतिक्रिया

सम्बन्धित समाचार