अमेरिका । संयुक्त राज्य अमेरिकामा फेरी गोली चलेको छ । अमेरिकाको फिलाडेल्फिया शहरमा लागूपदार्थ कारोबारीसँग प्रहरीको गोली हानाहान भएको अमेरिकी संचार माध्यमले उल्लेख गरेका छन् ।
घटनामा ६ जना प्रहरी घाइते भएका छन् ।फिलाडेल्फिया प्रहरी विभागका अनुसार लागूपदार्थ कारोबारीलाई पक्राउ गर्ने क्रममा गोली हानाहान भएको हो । निकै बेरको संघर्षपछि मात्र कारोबारीलाई पक्रन प्रहरी सफल भएको थियो ।
अमेरिकामा दुई ठूला गोली काण्ठ यसै महिना घटिसकेका छन् । जसमा ३२ जनाले ज्यान गुमाएका छन् । अमेरिकाको ओहायो र टेक्सास राज्यमा ती गोलीकाण्ड भएका हुन् ।
अमेरिकामा आम नागरिकसँग समेत सहजै बन्दुक उपलब्ध हुने प्रावधानले ठूलो समस्या निम्त्याइरहेको छ । जहा मानिसलाई थोरै मात्र सनक चढ्यो भने सामूहिक हत्याका घटना भइहाल्छन् ।
