12-Dec-2019 | २६ मंसिर २०७६, बिहीबार

रुसमा ठूलो विमान दूर्घटना टर्यो, २३३ यात्रु सुरक्षित

३० श्रावण २०७६, बिहीबार ०   बिचार / प्रतिक्रिया

तस्वीर साभार : बीबीसी

मस्को । रुसको राजधानी मस्को नजिक विमानस्थलबाट उडेको एक जहाज आकस्मिक अवतरण गर्नुपरेको छ ।

जहाजमा चरा ठोक्किएपछि एक खाली मैदान खाजेर आकस्मिक अवतरण गराइएको छ । खेतमा अवतरण भएको यस दूर्घटनामा २३ जना यात्रु घाइते भए पनि हताहतीका खबर नभएको बीबीसीले लेखेको छ ।

जहाजमा यात्रु र चालक दलका सदस्य गरी दुई सय ३३ जना यात्रारत थिए । जहाज चड्नासाथ इन्जिनमा चरा ठोकिन पुगेको थियो ।

बीबीसीका अनुसार एक यात्रुले जहाज भित्रबाट खिचेको भिडियो अहिले भाइरल समेत भइरहेको छ । चरा ठोकिएपछि जहाज असन्तुलित बनेको थियो ।

चालकले यसलाई खेतमा सुरक्षित अवतरण गराए । जसका कारण एक ठूलो दूर्घटना टरेको छ भने सयौं यात्रु सकुसुल रहन सफल भएका छन् ।
जहाज मस्कोस्थित झुकोप्स्की विमानस्थलबाट उडेको केही समय भित्रै चरामा ठोक्किन पुगेको हो । जहाज क्राइमिया जाने क्रममा थियो ।

विमानस्थल नजिकै खाली स्थान देखेपछि पाइलटले आकस्मिक अवतरणका लागि त्यो स्थान रोजेका थिए ।

मूख्य धावनमार्गबाट करीव १ किलोमिटरको दूरीमा जहाज पुगेर रोकिएको छ । यूराल एयरलाइन्सको एयरबस ३२१ जहाज दूर्घटनामा परेको हो ।

चरा र एभियसन बीच सधै विपरित सम्बन्ध रहिआएको छ । संसारभर विमानस्थलहरुलाई असुरक्षित बनाउन चराको मूख्य भूमिका रहेको हुन्छ ।
एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार