12-Dec-2019 | २६ मंसिर २०७६, बिहीबार

बैंक कीर्ते आरोपित मन्त्री बर्खास्त

३१ श्रावण २०७६, शुक्रबार ०   बिचार / प्रतिक्रिया


सुर्खेत । बैंक कीर्ते गरी आर्थिक अनियमितता गरेको आरोपमा मुछिएका कर्णाली प्रदेश, भौतिक पूर्वाधार विकासमन्त्री खड्कबहादुर खत्री बर्खास्त भएका छन् ।

कर्णाली सरकारले उनलाई बिहीबारदेखि लागु हुने गरी बर्खास्त गरेको हो ।

मुख्यमन्त्री महेन्द्रबहादुर शाहीबाट भौतिक पूर्वाधार विकासमन्त्री खत्रीलाई नेपालको संविधानको धारा १६९ को उपधारा ९२० को खण्ड (ख) बमोजिम पदमुक्त गरेको प्रदेश सरकारले उल्लेख गरेको छ ।

मन्त्री खत्रीविरूद्ध नक्कली बैंक ग्यारेन्टी गरेको मुद्दा दायर भएको छ ।

सोही मुद्दामा सुनुवाई गर्दै पाटन उच्च अदालतले पक्राउ पूर्जी समेत जारी गरेपछि मन्त्रीलाई सरकारले बर्खास्त गरेको हो । उनको जिम्मेवारीमा रहेको मन्त्रालय मुख्यमन्त्री स्वयमःले सम्हाल्ने भएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार