काठमाडौं । नेपालमा अर्थतन्त्रले अपेक्षित गति लिन सकेको छैन । विकास निर्माणको गति सुस्त छ । व्यापार व्यवसाय फस्टाउन सकेको छैन ।

तर, एक क्षेत्र भने हरेक वर्ष उच्च मुनाफामा रहन्छ । त्यो हो वित्तीय क्षेत्र । नेपालमा कूल २८ वाणिज्य बैंक छन् ।

यी बैंकले एक आर्थिक वर्षमा मात्र ६५ अर्ब ४० करोड रुपैयाँ खुद नाफा आर्जन गर्न सफल भएको छन् । बैंकहरुले आर्थिक वर्ष २०७५\७६ को चौथो त्रैमासिकको वित्तीय विवरण सार्वजनिक गरिसकेका छन् ।

विवरण अनुसार यस आवमा उनीहरुले गत आवकाृ तुलनामा २५ प्रतिशत बढी मुनाफा आर्जन गर्न सफल भएका छन् । आव २०७४\७५ मा वाणिज्य बैंकहरुको मुनाफामा ५२ अर्ब २३ करोड रुपैयाँ मात्र थियो ।

विवरण अनुसार नेपालमा सबैभन्दा बढी मुनाफा गर्ने वाणिज्य बैंक राष्ट्रिय वाणिज्य बैंक हो । यस बैंकले एक वर्षमा ५ अर्ब ३२ करोड खुद मुनाफा आर्जन गनृ सफल भएको छ ।

यो पूर्ण सरकारी स्वामित्वको बैंक हो । त्यसकारण यस बैंकमा हुने मुनाफाबाट सरकारले मात्र फाइला लिन्छ । यो पब्लिक कम्पनी होइन ।

अघिल्लो आवमा नविल बैंकले धेरै मुनाफा कमाएको थियो । यसवर्ष नविल बैंक तेस्रो स्थानमा रहेको छ । सरकारी बैंकको अवस्था निकै राम्रो देखिएको छ ।

यस वर्ष कृषि विकास बैंक मुनाफाका दृष्टिकोणबाट दोसो स्थानमा रहेको छ । यस बैंकले एक वर्षमा ४ अर्ब ३५ करोड मुनाफा गर्न सफल भएको छ ।

तथ्यांक अनुसार वाणिज्य बैंकहरुबाट असार मसान्तसम्म २४ खर्ब ९८ अर्ब रुपैयाँ कर्जा प्रवाह भएको छ । यसबाट प्राप्त हुने ब्याज बैंकहरुको मूख्य आम्दानी हो ।

तेस्रो स्थानमा रहेको नविल बैंकले एक वर्षमा ४ अर्ब २९ करोड मुनाफा आर्जन गरेको छ । इन्भेष्टमेन्ट बैंकले ३ अर्ब ४१ करोड रुपैयाँ मुनाफा आर्जन गरेको छ । एनआइसी एसियाको मुनाफा ३ अर्ब ५ करोड रहेको छ ।