खेलकुद

ओलम्पिक स्टार तेक्वान्दोको वार्षिकोत्सक तथा बेष्ट टेष्ट

विश्व न्यूज संवाददाता
टेक्सस (अमेरिका) ।
टेक्ससको गारल्याण्डमा संचालित ओलम्पिक स्टार ताइक्वान्दो सेन्टरमा बेल्ट टेष्ट तथा कला प्रर्दशनी सम्पन्न भएको छ । नेपालका पूर्व अन्तराष्ट्रिय खेलाडी तथा पदकधारी रामशरण चौधरीले संचालन गरिरहेको सेन्टरमा २ सय भन्दा बढीले प्रशिक्षण लिइरहेका छन् ।
सन् २०१८ मा खुलेको सेन्टरको पहिलो वार्षिकोत्सवको अवसरसमेत पारेर गरिएको वेल्ट टेष्टमा ८५ जना प्रशिक्षार्थीले वेल्ट अप ग्रेट गरेका थिए । कार्यक्रममा प्रमुख अतिथिको रुपमा सहभागि नेपालको तेक्वान्दो खेलका पूर्व मुख्य प्रशिक्षक तथा मास्टर डन सन्तोष प्रधानले ताइक्वान्दो खेल पदक जित्ने अधिक संभावना भएको खेल हुनुका साथैं शारिरिक तन्दुरुस्तीका लागि समेत प्रभावकारी खेल रहेको बताए ।
युनिभर्सल युनाइटेड नेपलिज तेक्वान्दो फेडेरेशनका अध्यक्ष समेत रहेका प्रधानले तेक्वान्दो खेलको विकासमा सेन्टर र डोजाङ्गहरुको भूमिका प्रशंसनीय रहेको जनाए । कार्यक्रममा नेपालको तर्फवाट अन्तराष्ट्रिय खेलमा सहभागिता जनाइसकेका पदकधारी पूर्व खेलाडी तथा इन्ष्ट्रक्चर रुपा स्याङ्गतान तथा गणेश थापाको समेत सहभागिता रहेको थियो ।