Epapers :

21-Sep-2019 | ४ आश्विन २०७६, शनिबार

सिंहदरवार भित्रै कर्मचारीद्धारा विष सेवन गरी आत्महत्या

३ भाद्र २०७६, मंगलवार ०   बिचार / प्रतिक्रिया


काठमाडौं । देशको सबैभन्दा ठूलो तथा मुख्य प्रशासनिक केन्द्र मै कर्मचारीले विष सेवन गरी आत्महत्या गरेका छन् ।

राष्ट्रिय योजना आयोगमा कार्यरत नायब सुब्बा बच्चु केसी आफनो कार्यकक्षमै मृत अवस्थामा भेटिएको प्रहरीले पुष्टी गरेको छ ।

उनले विष सेवन गरेको र साथबाट सुसाइड नोट समेत फेला परेको प्रहरीको भनाई छ ।

केसीले सुसाइट नोटमा अंशबन्डाको विषय उल्लेख गरेको प्रहरीले जनाएको छ ।

श्रीमतीको नाम सम्बोधन गरेर लेखिएको नोटमा थोरै अंश पाइयो भनेर चिन्ता नगर्न सुझाव दिएको नोट प्रहरीले फेला पारेको छ ।

घरायसी विवादका कारण तनावमा आइ आत्महत्या गरेको हुन सक्ने आंशका छ । घटनाबारे थप अनुसन्धान भइरहेको प्रहरीको भनाई छ ।

उनले आफुुले कसैका कारण पनि आत्महत्या नगरेको भन्दै अर्को अर्थ नलगाउन समेत नोटमा लेखेको प्रहरीले बताएको छ ।

उनको शव भेटिएको स्थान नजिकै कृषि बालीमा प्रयोग किटनाशक औषधिको खोल र केराको बोक्रा भेटिएको थियो ।

उनले केरासँगै विष सेवन गरेको आंशका प्रहरीको छ । उनी कीर्तिपुरका स्थायी बासिन्दा रहेको बताइएको छ ।

सिंहदरवार परिसर भित्रै आत्महत्याको यो भने पहिलो घटना हो ।

पछिल्लो समय श्रृंखलावद्ध रुपमा बढेको आत्महत्याको खबरले समाजलाई चिन्तित बनाइरहेको छ ।

फेसबुकबाट तपाईको प्रतिक्रिया

सम्बन्धित समाचार