डिसी । मेरिल्याण्डमा ‘मुरलीधर साँझ’ कार्यक्रम सम्पन्न भएको छ । मे १८, शनिबार मेरिल्याण्डको गेथर्सवर्गमा कार्यक्रमको आयोजना गरिएको थियो । मेरिल्याण्डका सीता पाण्डे, विष्णु थापा, मञ्जु संग्रौला, प्रकाश नेपाल, पुस्कर पन्त, गोपाल विश्वकर्मा तथा विजया शाहले कार्यक्रमको संयोजन गरेका थिए ।
साँझमा मुरलीधरले आफ्ना चर्चित गीतहरु प्रस्तुत गरेका थिए । कार्यक्रममा मुरलीधरलाई प्रमोद उपाध्याय, विश्वराज थापा तथा सुगन्ध श्रेष्ठ लगायत कलाकारले साथ दिएका थिए । साथै, पुस्कर पन्त, कन्हैया सिंहलगायत अन्य कलाकारले पनि गीत प्रस्तुत गरेका थिए । कार्यक्रम परशुराम तिमिल्सिनाले सञ्चालन गरेका थिए ।
मुरलीधर कलिउडका साथै बलिउडमा पनि चर्चित नाम हो । उनले नेपाली, हिन्दी, भोजपुरीलगायत थुप्रै चर्चित गीतमा आफ्नो स्वर दिएका छन् ।