13-Nov-2019 | २७ कार्तिक २०७६, बुधबार

सम्पत्ति सुद्धिकरण मामलामा भारतका पूर्व अर्थमन्त्री चिदम्बरम पक्राउ

५ भाद्र २०७६, बिहीबार ०   बिचार / प्रतिक्रिया


नयाँ दिल्ली । सम्पत्ति सुद्धिकरणका माध्यमबाट भ्रष्टाचार गरेको अभियोगमा भारतका पूर्वअर्थमन्त्री पी. चिदम्बरम पक्राउ परेका छन् ।

भारतीय केन्द्रीय अनुसन्धान व्युरो (सीबीआई)ले बुधबार मध्यरातमा उनलाई घरबाटै पक्राउ गरेको थियो ।

पक्राउ गर्ने समयमा ठूलो संख्यामा समर्थक उनको घरबाहिर भेला भएका थिए । प्रधानमन्त्री मनमहोन सिंहको पालामा अर्थमन्त्री बनेका उनी भारतका चर्चित अर्थमन्त्री पनि हुन् ।

उनलाई बिहीबार अदालतमा उपस्थित गराउने तयारी छ । १४ दिन हिरासतमा राखेर अनुसन्धान गर्न अनुमति लिने तयारी ब्यूरोले गरिरहेको छ ।

उनले अग्रीम जमानतको याचिका दिल्ली उच्च अदालतमा गरेको भएपनि अदालतले उनको याचिक अस्वीकार गर्यो ।

त्यसपछि उनी पक्राउ परेका हुन । मिडिया प्रविधि कम्पनी आईएनएक्स काण्डमा उनी मुछिएका छन । उक्त कम्पनीमा विदेशी लगानी स्वीकृत गर्ने विषयमा आर्थिक अनियमितताको आरोप उनीमाथि लागेको छ ।

करीव २४ घण्टा सम्पर्क विहिन अवस्थामा रहेका पी चिदम्बरम बुधबार अकस्मात कांग्रस मूख्यालय पुगी पत्रकार सम्मेलन गरेका थिए ।

उनले आफूमाथि लागेको आरोपको खण्डन गरेका थिए । पत्रकार सम्मेलन गरी घर फर्कना साथ ब्यूरोले उनलाई पक्राउ गर्यो ।

भारतमा पछिल्लो समय भ्रष्टाचार आरोपमा मुद्दा चलाइएको उनी हाइप्रोफाइल व्यक्ति हुन् ।

यस घटनाले आगामी दिनमा ठूलो राजनीतिक तरंग समेत ल्याउने आंशक विश्लेषकहरुले गरेका छन् ।

नरेन्द्र मोेदीको दोस्रो कार्यकालमा केही ठूला काण्डहरुको फर्दाफास हुने अनुमान यसअघि नै गरिएको थियो ।

एजेन्सी

फेसबुकबाट तपाईको प्रतिक्रिया

सम्बन्धित समाचार