लण्डन । बेलायती प्रधानमन्त्री बोरिस जोनसनको प्रस्तावलाई महारानी एलिजावेथ द्वितीयले अनुमति दिएसँगै अब बेलायतको संसद निलम्बन हुने भएको छ ।

केही दिन मै औपचारिक रुपमा संसद विघटन प्रक्रिया शुरु हुने बेलायती संचारमाध्यमले उल्लेख गरेका छन् ।

बेलायतमा प्रधानमन्त्री बोरिस जोहन्सनका अनुसार संसद् निलम्बन भएपछि १४ अक्टोबरमा महारानीबाट देशका नाममा सम्बोधनको कार्यक्रम तय भएको छ ।

संसद् भंग गर्ने सरकारको निर्णयविरुद्ध विपक्षी दलले भने कडा आलोचना गरिरहेका छन् । बेलायतमा विरोध प्रदर्शन गरिएको छ भने लाखौं हस्ताक्षर संकलन गरी सरकारलाई पठाइएको छ ।

प्रधानमन्त्रीले भने यस कदमबाट अवरोध चिर्दै देश अगाडी बढ्ने उल्लेख गरेका छन् । बेलायत यूरोपेली यूनियनको सदस्यताबाट बाहिर निस्कने क्रममा छ ।

सोही मौकामा संसद विघटन गर्न लागिएको हो । आगामी अक्टोबरमा बेलायत इयूबाट औपचारिक रुपमा बाहिरिदैछ ।

एजेन्सी