काठमाडौं । नेपालले आसन्न विश्वकप फूटबल छनोट प्रतियोगिताका लागि टोली घोषणा गरेको छ । यस टोलीमा राष्ट्रिय टिमका नियमित कप्तान विराज मर्हजन भने पर्न असफल भएका छन् ।

विश्वकप २०२२ का लागि नेपालले छनोट प्रतियोगिता खेल्दैछ । यसबीचमा नेपालले ८ वटा छनोट खेल्दैछ । यो पटक नेपालका लागि चरण निकै महत्वपूर्ण रहेको छ ।

नेपालले पहिला चरणमा खेल्ने दुई खेलका लागि बिहीबार टोलीको घोषणा गरेको हो । मूख्य प्रक्षिक्षक योहान कालिनले टोली घोषणा गरेका हुन् ।

नेपालले कुबेत र चाइनिज ताइपेविरुद्ध खेल्ने टोलीको टुंगो लगाएका हुन् । बिहीबार घोषित २३ सदस्यीय टोलीमा अन्य महत्वपूर्ण खेलाडी भने अटाउन सफल भए ।

नेपालले कुबेतसँग भदौ १९ र चाइनिज ताइपेसँग २४ भदौमा खेल्दैछ । दुबै खेल ती देशको घरेलु मैदानमा हुनेछ ।

नेपाली टोलीमा किरण चेम्जोङ, विकेश कुथु, विशाल श्रेष्ठ, अनन्त तामाङ, देबेन्द्र तामाङ, सुमन अर्याल, अजित भण्डारी, दिनेश राजवंशी, सरोज दाहाल र रजिन धिमाल रहेका छन् ।

यसैगरी सुजल श्रेष्ठ, विशाल राई, विक्रम लामा, सन्तोष तामाङ, सुनिल बल, अञ्जन विष्ट, हेमन गुरुङ, तेज तामाङ, रोहित चन्द, रवि पासवान, विमल घर्तिमगर, नवयुग श्रेष्ठ र अभिशेक रिजाल पनि अटाएका छन् ।