14-Nov-2019 | २८ कार्तिक २०७६, बिहीबार

देउवा निवास पुगे पर्यटनमन्त्री, के थियो कारण ?

१४ भाद्र २०७६, शनिबार ०   बिचार / प्रतिक्रिया


काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईले पूर्वप्रधानमन्त्री तथा प्रमुख प्रतिपक्षी दलका नेता शेरबहादुर देउवालाई उनकै निवासमा पुगेर भेटवार्ता गरेका छन् ।

शनिबार बिहान मन्त्री भट्टराई देउवा निवास बूढानीलकण्ठमा पुगेका थिए । भेटमा मूख्यगरी नेपाल भ्रमण वर्षको सम्बन्धमा छलफल भएको पर्यटन मन्त्री भट्टराईले जानकारी गराएका छन् ।

मन्त्रालयका तर्फबाट भइरहेका कामकारबाही र वार्षिक कार्यक्रममा समेटिएका योजनाका सम्बन्धमा समेत जानकारी गराएको मन्त्री भट्टराईले जानकारी दिएका छन् ।

उनले फेसबुकमा पोष्ट गर्दै देउवासँगको भेटको जानकारी गराएका हुन् । मन्त्री भट्टराईले पर्यटन वर्षलाई निर्विवाद बनाउने र त्यसका लागि सबैको सहमति लिइने बताएका थिए ।

उनको योजना नेपाल भ्रमण वर्षको उद्घाटनमा सबै पार्टीका उच्च तहका नेतालाई उत्साहपूर्वक सहभागी गराउनु समेत रहेको छ ।

फेसबुकबाट तपाईको प्रतिक्रिया

सम्बन्धित समाचार