काठमाडौं । नेकपासहितका दलले आसन्न उपनिर्वाचनमा भाग लिन अनिवार्य दल दर्ता गर्नुपर्ने भएको छ । निर्वाचन आयोगले दल दर्ताका लागि राजनीतिक दललाई आह्वान गरेको हो ।
एमाले र माओवादी मिलेर निर्वाचन पछि एकिकरण भएका कारण नेकपाले नि उपनिर्वाचनको प्रयोजनका लागि दल दर्ता गर्नुपर्ने भएको हो ।
१४ मंसिरमा विभिन्न तहमा रिक्त रहेको पद परिपूर्तिका लागि उपनिर्वाचन हुँदैछ । यस दिन एकै पटक संघ, प्रदेश र स्थानीय तहमा उपनिर्वाचन हुने छ ।
आयोगले २०७४ सालमा सम्पन्न संघ, प्रदेश र स्थानीय तहको निर्वाचनमा भाग लिएका राजनीतिक दल बाहेकलाई उपनिर्वाचनमा दल दर्ता गर्न आह्वान गरेको हो।
उक्त निर्वाचनमा भाग लिएका दलले भने दल दर्ता गरिरहन नपर्ने भएको हो । सोहीकारण उक्त निर्वाचनपछि संगठित भएका दलले दल दर्ता गर्दा नेकपासमेत दर्ता गर्नुपर्ने सूचिमा परेको हो ।
