29-Jan-2020 | १५ माघ २०७६, बुधबार

आवको पहिलो महिनामा वैदेशिक व्यापार-आयातको वृद्धिदर घट्यो

१७ भाद्र २०७६, मंगलवार ०   बिचार / प्रतिक्रिया


काठमाडौं । आर्थिक वर्षको पहिलो महिना (साउन)मा आयातको वृद्धिदर घटेको छ ।

भन्सार विभागले सार्वजनिक गरेको तथ्यांक अनुसार आर्थिक वर्ष २०७५\७६ को साउनको तुलनामा चालु आव २०७६\७७ को साउन महिनामा आयातको वृद्धिदर घटेको हो ।

यस अवधिमा निर्यात व्यापार भने बढेको छ । तथ्यांक अनुसार साउनमा १ खर्ब ६ अर्ब ७२ करोड रुपैयाँ बराबरको सामान भित्रिएको छ । गत वर्ष १ खर्ब २० अर्ब ६१ करोड रुपैयाँ बराबरको सामान नेपाल भित्रिएको तथ्यांक रहेको छ ।

यस साउनमा अघिल्लो साउनको तुलनामा ११।५१ प्रतिशतले कम सामग्री आयात भएको विभागले सार्वजनिक गरेको तथ्यांकमा उल्लेख भएको छ ।

यस अवधिमा नेपालले ८ अर्ब ८४ करोड ७० लाख रुपैयाँ बराबरको सामान निर्यात गरेको छ । अघिल्लो वर्ष यस महिनामा नेपालको निर्यात ६ अर्ब ९२ करोड १५ लाख रुपैयाँ बराबरको रहेको थियो ।

 

आयात घटेपछि आव २०७५र७६ को तुलनामा आव २०७६र७७ को साउनमा व्यापार घाटा पनि घटेको तथ्यांले देखाएको छ ।

तथ्यांक अनुसार यस महिनामा नेपालको वैदेशिक व्यापार घाटा ९७ अर्ब ८८ करोड ८२ लाख रुपैयाँको रहेको छ ।

अघिल्लो वर्ष एक महिनामा १ खर्ब १३ अर्ब ६८ करोड रुपैयाँको व्यापार घाटा भएको थियो ।

Loading...

फेसबुकबाट तपाईको प्रतिक्रिया

सम्बन्धित समाचार