काठमाडौं । पछिल्लो समय नेपालमा आत्महत्याको घटना निकै बढेका छन् । त्यसमा पनि राजधानी काठमाडौंमा जोडीसहित आत्महत्या गर्नेको संख्या उल्लेख्य बढेको हो ।

आइतबार मात्र एक जोडी गौशालास्थित भण्डारखालको जंगलमा झुण्डिएको अवस्थामा फेला परेका छन् । प्रहरीका अनुसार खोटाङ घर भएका एक जोडीले आत्महत्या गरेको अवस्थामा फेला परेका हुन् ।

खोटाङ, दित्तेल रूपाकोट मझुवागढी नगरपालिका–१० घर भई काठमाडौं बाँसबारी बस्दै आएका ४० वर्षीय जय गिरी र खोटाङकै टेम्मा गाउँ बस्ने ३३ वर्षीया उमिता दमाइ मंगलबार बिहान एकै ठाउँ रूखमा झुण्डिएको अवस्थामा फेला परेको महानगरीय प्रहरी वृत्त गौशालाले जानकारी दिएको छ ।

बिहान हिडाईमा निस्किएका स्थानीयले जोडी रुखमा झुण्डिएको देखेपछि प्रहरीलाई खबर गरेका थिए ।

घटनापछि प्रहरीले शव परीक्षणका लागि महाराजगञ्जस्थित शिक्षण अस्पताल पठाएको थियो ।

केही साता अघि गौगबुमा एक जोडी होटेलमा मृत अवस्थामा फेला परेका थिए । त्यसअगाडी अर्को एक जोडी झुण्डिएकै अवस्थामा फेला परेका थिए ।