हङकङ । लगातार तीन महिनाभन्दा लामो आन्दोलनको बलमा हङकङमा सुपुर्दगी विधेयक फिर्ता भएको छ ।

हङकङ सरकारको तर्फबाट प्रमुख ल्यारी क्यामले बुधबार विधेयक फिर्ता भएको घोषणा गरेकी छन् ।

विधेयक ल्याएसँगै हङकङमा सम्भवतः सबैभन्दा ठूलो आन्दोलन भएको छ । जसको बेलमा विधेयक फिर्ता भएको हो ।

विधेयक फिर्ता भएपछि आन्दोलन फिर्ता हुन्छ या जारी रहन्छ भन्ने बारे चाँही यसै भन्न नसकिने संचारमाध्यमहरुले उल्लेख गरेका छन् ।

किनकी सरकारको रवैयाबाट जनता यस पटक संशकीत बन्न पुगेका छन् । हङकङ चीनद्धारा शासन गरिएको क्षेत्र हो, तर यहाँ बेइजिङको कानुन लागु हुँदैन ।

हङकङका विधायिकामा हङकङको नागरिकले चीन गएर कुनै आपराधिक क्रियाकलाप गरे चीनलाई नै सुपुर्दगी गर्ने विधेयक आएपछि त्यसको व्यापक विरोध भएको हो ।

झन्डै २० लाख मानिस सडकमा उत्रिएर यस विधेयकको विरोध गरेका थिए । हङकङको नागरिकलाई सोही मुलुककै कानून लागु हुने भन्दै चीनको कानूनसँग सुम्पने विधायीका मान्य नहुने जनताको भनाई थियो ।

प्रमुख क्यामले विधेयक अघि नबढाउने भने पनि फिर्ता लिन मानिरहकी थिइनन् । जसले गर्दा आन्दोलन अझै चर्किएको थियो ।

प्रदर्शनकारीले विधेयकमा सरकार टसमस हुन नमानेपछि प्रमुखको राजिनामा र आम निर्वाचनबाट प्रमुख चुन्न पाउनुपर्ने व्यवस्थाको समेत माग गरिरहेका छन् ।

एजेन्सी