काबुल । अफगानिस्तानको राजधानी काबुलमा एक साता भित्रै दोस्रो ठूला विस्फोट भएको छ ।

बिहीबार बिहान भएको विस्फोटमा परी कम्तिमा १० जनाको निधन भएको समाचारहरुमा उल्लेख छ । अमेरिकी दूतावाससहित दर्जनौं विदेशी कूटनीतिक नियोगको कार्यालय रहेको क्षेत्र नजिकै कार बम बिस्फोट गराइएको हो ।

विस्फोटको तालिवानले जिम्मेवारी लिएको छ । यस घटनामा दर्जनौको ज्यान गएको बताइएको छ । यसअघि गत सोमबार मात्र भएको विस्फोटमा १६ जनाले ज्यान गुमाएका थिए ।

उक्त घटनामा २ जना नेपाली सुरक्षागार्डको समेत ज्यान गएको थियो । तालीवान र अमेरिकाबीचको वार्तापछि अफगानिस्तानबाट ५४ सय अमेरिकी सेना फिर्ता हुने क्रम चलिरहँदा तालिवानले भने आक्रमण बढाएको छ ।
एजेन्सी