काठमाडौं । त्रिभुवन विमानस्थलको आन्तरिक टर्मीनलमा कन्भेयर बेल्ट जडान भएको छ । संस्कृति, पर्यटन तथा नागरिक उड्डयन मन्त्री योगेश भट्टराईले शुक्रबार एक कार्यक्रमका बीच बेल्ट संचालनको शूभारम्भ गरे ।

आन्तरिक टर्मिनलमा पहिलो पटक कन्भेयर बेल्ट जडान गरिएको हो । यसअघि बेल्ट नहुँदा ब्याग लिन यात्रुले तछाडमछाड गर्नुपर्ने बाध्यता रहेको थियो ।

विमानस्थललाई आधुनिक सुविधा सम्पन्न गराउने अभियान अन्तर्गत यो योजना संचालनमा आएको विमानस्थल व्यवस्थापनको भनाई रहेको छ ।

अब विमानबाट ब्यागेज आएको ३ मिनेट भित्रै सबै यात्रुले ब्याग प्राप्त गर्ने बताइएको छ । स्कृनमा देखिने वायुसेवा कम्पनीको नाम अनुसार यात्रुले आफ्नो ब्याग लिन सक्नेछन् ।