Epapers :

21-Sep-2019 | ४ आश्विन २०७६, शनिबार

एक पत्रकारले ७६ लाख ५० हजारको एक सिसी बियर पिउँदा यस्तो भयो हालत

२२ भाद्र २०७६, आईतवार ०   बिचार / प्रतिक्रिया


एजेन्सी 

गत ५ तारिख मंगलवार पिटर लालोर नामका   एक अस्ट्रेलियन पत्रकारले आफ्नो ट्विटर् एकाउन्टमा सानो बियरको सिसी र साथमा आधा बियरले भरिएको फोटो राख्दै लेखे; “यो बियर हेर्नुस् । यो बियर ईतिहासकै सबैभन्दा महंगो बियर हो । मैले यो एक सिसी बियरको मुल्य म्यान्चेस्टरस्थित मालमेसन होटलको बारमा अस्ट्रेलियन डलर ९९ हजार ९ सय ८३ र ६४ सेन्ट तिरे” ।  

बिगत २५ बर्षदेखि लगातार पेय पदार्थको रिपोर्टिङ गर्दै आएका र पेय पदार्थबारे निकै जानकार अस्ट्रेलियन पत्रकार पिटर लालोरलाई इङ्ल्यान्ड म्यान्चेस्टरस्थित मालमेसन होटलको बारले ६ डलर ७६ सेन्ट्स अमेरिकी डलर मुल्य पर्ने एक सिसी बियरलाई १० हजार गुणा बढाएर ६७ हजार ६ सय ८९ अमेरिकी डलर लिएपछि आफू जिल्ल परेको प्रतिकृया बिभिन्न संचार माध्यमलाई बताएका छन् ।  

गत अाईतबार पिटरले आफ्नो एक जना साथीलाई ट्रेन स्टेसनमा छाडेपछि बाटोमा पर्ने मालमेसन होटेलको बारमा बियर पिउन छिरेका थिए । पत्रकार पिटरले होटलको बारमा काम गर्ने बार टेन्डरलाई अमेरिकन ड्राफ्ट बियर बाहेक ब्रिटिश स्वादको बियर दिन अनुरोध गरे । बार टेन्डरले हेनिकन बियर पिउन सल्लाह दिईन् । त्यतिकैमा स्कटिस बियर कालडोनियन पिउने निर्णयमा पिटर पुगे । बियर पिएपछि बार टेन्डरले पिटरलाई बिल दिईन । बिलमा मुल्य भन्दा निक्कै धेरै रकम लेखे जस्तो पिटरलाई लागेको थियो । तर त्यतिबेला उनले रिडिङ ग्लास नलगाएको कारण प्रस्ट हुन सकेनन् तर बार टेन्डरलाई उनले मुल्यको बारेमा सोधे । बार टेन्डरले कुनै उत्तर नदिएर उल्टै खित खित गर्दै एक्लै हाँसिन् मात्र । जब पत्रकार पिटरको ब्यांक खाताबाट एक्कै पटक ६७ हजार ६ सय ८९ अमेरिकन डलर रकम घट्यो अनि मात्र उनी जिल्ल परे ।  जीवनको अधिकतम समय पेय पदार्थको बारेमा मात्र लेख्दै आएका पिटर आँफैले पिएको एक सिसी बियरको त्यति ठुलो मुल्य तिर्नु परे पछी उनी निक्कै छक्क परे । तर भुलवस चार्ज भएको उक्त्त रकमको बारे होटल ब्यबस्थापनले माफी माग्दै फिर्ता दिने निर्णय गरे पनि उक्त्त रकम पिटरको ब्यांक  खातामा आउन भने १० दिन लाग्ने बताईको छ ।

फेसबुकबाट तपाईको प्रतिक्रिया

सम्बन्धित समाचार