समाचार

आजबाट काठमाडौंमा विद्यूतीय बस

काठमाडौं । काठमाडौंको सडकमा सोमबारदेखि सार्वजनिक बस संचालनमा आउँदैछन् ।

निजी लगानीको सुन्दर यातायातले पहिलो चरणमा दुई वटा बसबाट विद्यूतीय सार्वजनिक सवारीको यूग प्रारम्भ गर्दैछ ।

यसअघि नेपालमा करीव ३० वर्षभन्दा लामो समय चलेको ट्रलीबसले विद्यूतिय सवारीको रुपमा काठमाडौंको पहिचान स्थापित गराएको थियो ।

नेतृत्वको हेला भएपछि ट्रली बस बन्द हुन पुगेको थियो । ट्रली बस बन्द भएको एक दशकपछि सुन्दर यातायातले सार्वजनिक बस संचालन गर्न लागेको हो ।

दुई वटा बस सोमबाटबाट गुड्ने र केही दिन मै थप ५ वटा बस काठमाडौं आउने कम्पनीले जनाएको छ । यसै वर्ष भित्र २५ वटा बस ल्याएर काठमाडौंमा चलाउने योजना कम्पनीको छ ।

उक्त कम्पनीले काठमाडौंमा विद्यूतीय सवारी साधनलाई लक्षित गर्दै आफ्नै लगानीमा विद्यूतीय चार्ज स्टेशनसमेत स्थापना गरेको छ ।

सुन्दरका बस पहिलो चरणमा चक्रथप भित्र मात्र चल्ने भएका छन् । त्यसपछि क्रमशः अन्य रुटमा बिस्तार गर्ने कम्पनीले जनाएको छ । सुन्दरले प्रतिबस १ करोड ६२ लाख रुपैयाँ लगानीमा यी बस भित्राएको हो ।