दिउसो छोटो समय सुत्नेहरुका लागि खुसीको खबर आएको छ । सुताईसँग सम्बन्धित एउटा नयाँ तथ्यले दिउँसो सुत्नेहरुका लागि नयाँ खुसी दिएको हो । धेरै सुत्न्नु स्वास्थको लागि नराम्रो मानिदै आएको समयमा हप्तामा दुई दिन दिउँसोको समयमा छोटो समय सुत्यो (न्याप) भने हृदयघात नहुने तथ्य बाहिर आएको हो ।  

गत सोमबार जर्नल हर्टमा प्रकासित रिपोर्टका अनुसार कारिब ३५ सय स्विट्जरल्याण्डबासी माझ गरिएको अनुसन्न्धानबाट उक्त तथ्य प्रमाणित भएको हो । जर्नल हर्टका अनुसार उक्त तथ्यका सम्बन्धमा स्विट्जरल्यान्डको लौजानी स्थित युनिभर्सिटी हस्पिटलकी चिकित्सक तथा उक्त नयाँ अनुसन्धानका नेतृत्वकर्ता नदिनी हौसलरले भनेका छिन; “जीवनमा कहिले पनि दिउँसो नसुतेकाहरु भन्दाहप्तामा एक वा दुई दिन दिउँसो छोटो सुताई (न्याप) सुत्नेहरुमा मुटु सम्बन्धि रोग कम लाग्ने गरेको पाईयो”।  हौसलर र उनका समकक्षीहरुले ५ बर्षसम्म ३५ देखि ७५ बर्ष उमेर समुहका पूर्ण स्वस्थ र ज्यादै धेरै नसुत्नेहरु छानेर अनुसन्धान सुरु गरेको बताईको छ । अनुसन्न्धानले हप्तामा एक वा दुई पटक दिनको समयमा ५ मिनेट देखि १ घण्टासम्म निदाउने गरेकाहरुलाई मुटु सम्बन्धी रोग कम लाग्ने गरेको देखिएको छ ।  ब्रिटिश कार्डियो भास्कुलर सोसाईटीद्वारा प्रकासित द हर्ट नामक जर्नलमा प्रकासित सुताई सम्बन्धी नयाँ रिपोर्ट पछी युनिभर्सिटी अफ ग्ल्यास्गोका प्रोफेसर नभिद सत्तरले हप्तामा एक वा दुई पटक दिनमा सुत्दा फाईदा पुग्ने देखिएता पनि हरेक दिन दिउँसो सुत्नेहरुलाई भने घातक हुने प्रतिकृया दिएका छँन् ।  

एजेन्सी